Isayas 61:10 - Fanawbuid tagsibaliwas Fakayabian

¹⁰ Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 61:10 ပူးပေါင်းရင်းမြစ်များ

Fakasigadan 24:53

Ay nafaduksun wa vtv at famubaun fag ngay famasine bilug, mawatan siginans gintu ay sanbung salapi, ay ngay lanbung, ay kanya nafon sas Rebeka.

2 Krunika 6:41

Yawi em Dius, alindugi, adasugi stie sam fagbanwanan, gasfuan fagsuadan am nasadian tagfatoglag te, mabalyanan o. Am nafili nangus fag ngay tagfon fanggalangun, lumag nu gfalangfe o anya fagayu, ay am ngay taw nangus at matuyan, guseganan sa am fagmasineun.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Ub 29:14

Kabavn gfakamulun au at matuyan ay at masine, takata tagsi ku bilug fag lanbung at masine.

Alubad. 132:16

Gfasik ngay matuyan kban at ngay tagfon fanggalangun, ay kafag ngay taw ban at matuyan, kabavn galubad tua guseganan.

Alubad. 132:9

Am nafili nangus fag ngay tagfon fanggalangun, matuyan tua nu mabanwan, ay am ngay taw nangus at matuyan, kabavn galubad tua gugat guseganan.”

Alubad. 28:7

Gfabitsug tuo ay gdiri angku. Gafanud au sa emu sas fagdaul ku amatanganan. Nu katanya, galubad au gfauseganan emu.

Alubad. 35:9

Yawi, nu katanya, guseganan au sa emu, aroro nafalangfe tuo angku.

Sulumun at Alubad 1:10

Maksvn nu masine am fingi, ay am ngay sulman kaugat yay nu masine. Ay anggan am liug at mafasulunan ngay dalag masine yangay.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 49:18

Damai sa am ligung; am ngay taw kafoli wan. Gfatuyanan au te, kafanud nu gleleg au, gfanagsag ban o anya fagayu kata sik mangena at nangadadwa at ke dalag.

Isayas 49:4

Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Isayas 51:11

Am nafalangfe fag ngay taw umfoli sas Siun, ay galubadan guseganan yud e fakatabuan. Umkalyam wan at fakabaluun, ay guseganan tua ban maksvn.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 58:14

ay nu nafafaning tua ban am takatanya, mauseganan tua ban nu gfakamulun am sa angku. Ay gfae fagusegananun kban ayu si ay talun. Namayu kban ay gutluan si ay mangaguyang Akub at nafon ayu fag daga. Umfasludan ban takatanya, aroro au Yawi taglong tuy.”

Isayas 65:18

Nu katanya, kabavn useganani ay mafuli laman sa ku ngay fagnamakamulunun. Aroro furuan Erusalem ban namasik fagusegananun au sa sangay taw, ay tagbanwan ban sanya fag ngay taw gfae fagusegananun yangay sa tibak taw.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Esekyel 42:14

Ngay tagfon fanggalangun nu naduksun wan siginan at yud e malong fag ngay suluk, kanya ya vtv masine gduksun. Kanya fagayu gbul yay at lanbung at fagsulunun galay namakamulun sas Yawi at bale, aroro kanya fag ngay lanbung mafasamanan. At kanya fagayu gsulun tibak lanbung gina nansalubang ngay taw sa tibak afud Yawi at bale.”

Abakuk 3:18

guseganan au aroro ku tagfalangfe Fun Dius Yawi tua.

Sakaryas 10:7

Ay anggan ngay taw Efraim umkata yangay ngay tagfawayan at mabitsug, ay kanya fagayu umke fagusegananun. Ay at ngay fufu ban gamatang at nababoan, ay guseganan sa ku ngay nafakamulun.

Sakaryas 3:5

Ay nalong kyangay sa tibak tagbarita te, “Fasuluni yangay sa anya sik fansifig alfuyu at masine.” Nu katanya, kanya fagayu nafasulun sas Uswe sik masine fag lanbung ay sik fansifig alfuyu at masine, kaduge Yawi at tagbarita malindug ay gdama anya.

Lukas 15:22

“Ay at mama nasugu at ngay fagsuguan te, ‘Masakiti, bubai stae at masine fia fag lanbung, laman fantubus at lanbung. Fasuluni sik fanumyu sat sumyu ay fae lapaki anya.

Ruma 13:14

Suluni tam Fun Isus at nafon antam fag ugali, ay lag am gfaning ya ay bilug at fakaylatun.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Ruma 5:11

Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.

Galasya 3:27

Ay ansadi am sa tam Fun Isus siginan nu kasurung am, ay gugali am kata anya.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Filipus 4:4

Kabavn useganani sa tam Fun. Gdog au glong te, useganani!

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

At Nafasure 21:2

Ay nalag au at bagu fag furuan daul Erusalem at yud e malong nu kadaga siginans banwa siginans Dius. Kanya fag furuan kata sik mangena at nangadadwa, at mafalganan wan namablang at fainduganan.

At Nafasure 21:9

Ay kafag fituk tagbarita ebi at ke ba taya mapnu taguyan fag fituk faurianan, at sadi ankakbang sa angku ay glong te, “Gewan. Namalag au sa emu Tupa Riangan at bubay.”

At Nafasure 4:4

Ay duak safulu e ufatk faglunggungan gligung sanya, ay duak safulu e ufatk fagtainan malunggung sanya, ay kanya fagayu galanbungan malaksi ay gasangboan gintu.

1 Samwel 2:1

Sanya ginan, Ana gdarangin te, “Guseganan au sas Yawi! Aroro sat nafakamulun, nafalyam tua ku fakaplaun. Katsi kase ktua sa ku ngay fawayan. Guseganan au aroro kanya nafalangfe tua angku.