Isayas 61:1 - Fanawbuid tagsibaliwas Fakayabian

¹ Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 61:1 ပူးပေါင်းရင်းမြစ်များ

Alubad. 102:20

laman gdungugan at maubungan fag ngay taw nu guro aroro gidapan, ay laman namalfas at maubungan at fagnamabulun wan.

Alubad. 147:3

Kanya ban gfasun fagayu takabalu. Ay gsifig ngay taw at bangbang laman gfafia.

Alubad. 149:4

Aroro Yawi guseganan tua at nafili fag ngay taw, ay kanya gfababo takamababaun.

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 22:26

Ngay taw nangus at yud e kwa gfangon tua ay kapsug. Ay fagayu nangus takakbang sa emu tanan tua nanseg emu. Ay kanya nangus fagayu kabavn gfauseganan tua emu.

Alubad. 25:9

Galaga tuo takamababaun fag ngay taw laman gfakamulun tua at matuyan, ay gfoyung o sa anya fagayu am balyawvtan.

Alubad. 34:18

Yawi munakbang tua sa sangay taw at kinmomuy at amatanganan, ay gfalangfe tua at yud e fagsegun ya.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 51:17

At matuyan fag fanggalangun laman sa emu, sik amatanganan takamababaun. Ay di o gaiyan am nafauri fag taw at naubun tua at ngay asalanan.

Alubad. 68:7

Ku Dius, nafalfas o am ngay taw siginans Igiptu, ay nataban tuo sat yud e taw fag talun.

Alubad. 69:32

Ngay taw at yud e kwa nu nalag takatanya, guseganan. Ay fagayu takakbang sas Dius, guseganan yangay.

Nu Galin 28:41

“Fasuluni sam kaka Arun ay sat ngay baguama kafag ngay lanbung, ay ugwagi langis sa kafag talamean sik fakatoglagan te, nafatigwanan wan sa angku laman sik ngay tagfon fanggalangun.

Nu Galin 29:7

Namul yangay o langis ay ugwagi sas Arun at alfuyu sik fakatoglagan te, nafatigwanan o anya sa angku.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 42:7

laman at yud glag, glag tua, ay namalfas at ngay maubungan siginans fagmadulumun.

Isayas 48:16

Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Isayas 49:9

Foyungi ban sat ngay natabanan fag ngay taw Israel, ay sat kinkubung sasad madulum te, ‘Duksuni wan! Nalfas wam!’ Ay kanya ban kata sik ngay tupa tagfangonan sa sangaba dalan, ay sa sangay buksul ebi at yud e gtugbung.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 52:9

Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 59:21

“Ay katatuy ku nasadian sa ayu: wa ban kalyam ku Falad tagbanwan si ayu, ay anggan ku nafoyung ayu fag ngay longan. Ay foyungi kanya fag ngay longan sa ay ngay sisian, ay katanya yangay sat daga vtv fag ngay gaban ay anggan sat ngay kasugfunanan kabavn. Au, Yawi, taglong tuy.”

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Eremyas 34:8

Yawi e nalong yay fia sas Eremyas gina fun Sedekya nawat sik nasadian sa sangay taw Erusalem sabaliwa nu gfalfas ngay fagsuguan.

Eremyas 52:33

Yuyakin wa gsulun ya at lanbung kata at maubungan fag taw at lanbung, ay gfangon tua gasfuan at fun sat fagfangonan.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Lebitiku 7:35

Kanya wan fag ngay afud fanggalangun ay fon laman sas Arun ay sat ngay kasugfunanan, gina ban nafili anya fagayu laman sik ngay tagfon fanggalangun laman sas Yawi.

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 3:16

Ay Isus nu nsurung wan, ay nu nlakwi siginan sad lino, banwa anluang ay Isus nalag Dius at Masine fag Falad nu kadaga kata sik labikung, ay naafun sa anya.

Lukas 7:22

Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag. Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Fakamulun 4:27

Nu katanya, Erudes ay Pilatu ay at yud Udyu fag ngay taw ay ngay taw Israel ansadi laman namawayan am fagsuguan Isus, am nafili fag Fun.

2 Kurintu. 3:17

Ay tam Fun, kanya wan at Masine fag Falad. Ay nusnga nday tam Fun at Masine fag Falad, sanya yangay fagmalangfeun.

2 Kurintu. 7:6

Ay dewa katanya, Dius gfasun ngay tagidapan, ay kanya nafasun tua emi siginan tam faduksay Titu at nadasugan.

Ebreu 1:9

Kaylat tuo fagmatuyanun, ay kauri o at mauri. Nu katanya, am Dius nafili emu, ay nafae fagusegananun emu gtungud yay sa am ngay iba.”