Isayas 60:8 - Fanawbuid tagsibaliwas Fakayabian

^8-9 Nataw manga atsi tagfioan takata linyabu tagiwangan sis kiwang ay takata labikung nu guli sat fugad? Kanya furuan Tarsis at ngay sakayan lino gbuba am ngay taw, laman namauli siginan tangayayu fag talun, ay e buba sanbung salapi ay gintu laman sa angku, ay Dius Yawi, Israel at Dius at yud e Malong, aroro kanya gfauseganan ktua emu.”

Isayas 60:8 ပူးပေါင်းရင်းမြစ်များ

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 49:21

Ay gamatangan ban o te, ‘Sinu at nafasalug anya fagayu laman ku ngay sisian? Ay ku ngay taw tangayu nbul wan, ay anbalu au. Ay tiba natabanan sa tibak talun, ay au way lang at kinsawad. Sinu at nafagurang kafag ngay sisian? Ay daginan kanya fagayu?’ ”

Isayas 60:4

Famanawani sam ligung, am ngay taw maful wan. Am ngay sisian fag ngay mangama tagsiginan tangayayu nantungul emu, ay am sisian fag ngay mangena kata ngay sisian tagasalilianan.

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Lukas 13:29

Ay umdasug ban ngay taw siginans fakamenitan ay siginans fakayabian ay siginans fawalan ay fasiunan, laman malunggung sas fagfangonan sis Dius at fagfagtainanan.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

At Nafasure 7:9

Ay nu ntabu takatanya nalag au ngayuk taw at yud e mafatap ya at kayuan. Kanya fagayu siginans fagayu talun, ay fagayu kasugfunanan, ay fagayu gaban taw, ay fagayu fangaringang. Kanya fagayu malindug sis salubangan fun at faglunggungan ay sis salubangan Tupa Riangan, ay galanbungan malaksi ay gbitbitan sik ngay tagisi at don at maragbuk.