Isayas 60:7 - Fanawbuid tagsibaliwas Fakayabian

⁷ Ngay taw Kedar ay ngay taw Nebayut namon ban sa emu at ngay tupa, ay kanya wan at masine fag ngay fanggalangun sa angku laman gfauseganan ktua ku bale.

Isayas 60:7 ပူးပေါင်းရင်းမြစ်များ

Fakasigadan 25:13

Ismael at ngay baguama siginan at kaka anggan at ngenge: Nebayut, Kedar, Adbiel, Mibsam,

Ub 42:8

Nu katanya, katsi namul am fituk baka tama ay fituk tupa tama, ay namuba am sas Ub, ay namon am sa angku sik fagirugun fag fanggalangun laman famalyam ay fagmauriun. Ay Ub ro gdarangin ayu, ay gbalus kro at darangin, ay kwa ro gfaurianan ayu sat kasakan sa ay nasalan. Wam nalong at matuyan sabaliwa angku kata ku fagsuguan Ub.”

Alubad. 120:5

Afanyuan au, aroro nu gbanwan au magamut way sit mauri fag ngay taw sis Mesek ay sis Kedar.

Sulumun at Alubad 1:5

Ngay baguina tagsis Erusalem, anud, malayung kway kata ngay taw Kedar at ngay bale ramit, dewa katanya, masine au kata sik ramit at madamvl tagsis Sulumun at bale daul.

Isayas 19:19

Ginanya yangay ban fag menit, e nangawat ban sik fagirugan sas Yawi sis talun Igiptu, ay namoli yangay sik gang sat taba daga laman gamatang Yawi.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 21:16

Fun Dius nalong sa angku te, “Kaduge way ban sik banwa, ngay taw Kedar at fagmabalyananun umkalyam wan.

Isayas 42:11

Segi anya, fagayu am fag ngay furuan sat magong fag talun ay anggan am fag ngay taw Kedar. Ngay taw Sela, alubadi useganani. Uroi useganani tagsis sangay tungud buksul.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:13

Namagbilug kban sa emu Lebanun at ramraman: at masine fag ngay fun kayu laman famasine ku bale.

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Esekyel 27:21

“ ‘Ay ngay taw Arabya ay ngay fun sis talun Kedar nanamabangsi yangay sa emu. Ay kanya fagayu at famayad ngay tupa ay ngay kambing.

Mikas 4:1

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Sefanias 3:10

Ku ngay taw at nasaruayan sas dife Liskung Etiupya namuba ban sa angku at ngay fanggalangun.

Sakaryas 2:8

Nu nalag au kanya fag taginfan, Yawi at Mabalyanan nasugu angku laman nanlong au at mauri sa sangay talun at taw at nafauri Erusalem ay at nafangkamul at ngay ramraman. Aroro nusnga sinu at nafakamulun at mauri sas Yawi at furuan, nafakamulun at mauri sat fakesugun fag ngay taw. Nu katanya, Yawi at Mabalyanan glong te,

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Ebreu 13:10

Ngay tagfon fanggalangun tagfakamulun sis Dius at bale wa masine namasfuan antam nangon sa tam fagirugan.