Isayas 60:4 - Fanawbuid tagsibaliwas Fakayabian

⁴ Famanawani sam ligung, am ngay taw maful wan. Am ngay sisian fag ngay mangama tagsiginan tangayayu nantungul emu, ay am sisian fag ngay mangena kata ngay sisian tagasalilianan.

Isayas 60:4 ပူးပေါင်းရင်းမြစ်များ

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 49:17

Munakbang wan nu kafoli at nangawat emu, ay nangaiyan wan at narasras emu.

Isayas 49:18

Damai sa am ligung; am ngay taw kafoli wan. Gfatuyanan au te, kafanud nu gleleg au, gfanagsag ban o anya fagayu kata sik mangena at nangadadwa at ke dalag.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Amus 9:14

Ay gfafoli kban ku ngay taw Israel sat talun siginan at fagatabananan. Ay kanya ban fagayu gdog yay nangawat at ngay furuan kinrasras wan ay gbanwan sanya. Ay kanya ban fagayu nananum wat ubas laman e fanginum tua fanlangu. Ay nananum yangay ban sat ngay fagtanuman laman ban at fakonun.

Mikas 7:12

Ay ginanya yangay ban fag buknga, ngay taw ban siginans Asirya ay Igiptu at fagagbilugun fag ngay furuan, ay sitsigons Liskung Eufrates, ay siginan tangayayu fag ngay talun, nangaful sa ayu.

Agay 2:7

ay anggan fagayu talun, ay kanya ban fag ngay talun at taw namuba at ngay ramraman sa ku bale. Ay umkapnu ban sa ku bale nusnge wain at mafanud.

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Uan 4:35

O nunda wam nalong te, ‘Ufat yak magdanun ay fanggutluan wan’? Glong au ayu te, damai, fare anraska wan ay kagutlu wan.

Fakamulun 13:44

Ay nu ndasug at fadogan fag Famiangalay fag Menit, fagayu taw sis furuan daul maful laman nandungugan Dius at longan.