Isayas 60:3 - Fanawbuid tagsibaliwas Fakayabian

³ Ngay talun at ngay taw ay at ngay fun umkakbang ban sa emu.

Isayas 60:3 ပူးပေါင်းရင်းမြစ်များ

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 102:16

Aroro Yawi ban gdog yay namalindug furuan Siun, ay namasure at fagmasineun.

Alubad. 102:22

Ay anggan ban ngay taw tagsiginan tibak talun ay fagayu fagfagtainanan gseg yangay Yawi.

Alubad. 138:4

Yawi, fagayu ban ngay fun sas fagdaul daga gfauseganan emu, nu nadungug am ngay longan.

Alubad. 2:10

Nu katanya, am fag ngay fun ay fag ngay tagfangguna, amatangani ay dungugani tuy fag ngay famararang.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 68:29

Ngay fun ban namon sa emu at ngay fanggalangun sam bale sis Erusalem.

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 60:10

Yawi nalong sas Erusalem te, “Tagsiginan ban tibak talun at ngay taw nangawat am ngay alad, ay at ngay fun ban namakamulun sa emu. Dewa au nafaurianan emu aroro sa ku dotama, kafanyu au emu aroro matuyan ktua.

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Amus 9:12

laman ban ngay taw Israel manangagbilug talun Edum at daga at sawad ay anggan tibak talun ku nalong te, ku fagagbilugun. Au Yawi taglong tuy ay namakamulun kban takatanya.”

Mateu 28:19

Loi wan ay faetagadali angku sas fagayu talun at ngay taw. Fasurungi anya fagayu sa tam Mama at ngayan ay at Baguama at ngayan ay at Masine fag Falad at ngayan.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Uan 12:32

Ay nu e nafabat angku siginans daga, namakbang kban fagayu taw sa angku.”

Fakamulun 13:47

Aroro tam Fun nasugu emi te, ‘Nawat au emu kata sik salung sas yud Udyu fag ngay taw, laman namoyung fakalangfean sas fagdaul daga.’ ”

Fakamulun 15:17

laman ban tibak taw grvbvy tam Fun, anggan ku nafili fag ngay taw yud Udyu laman ku ngay taw. Katanya tam Fun at longan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 21:24

Fagayu talun at ngay taw glao ban sat yamag, ay fagdaul daga at ngay fun ayu daul namuba sanya at fagmaramramanun.