Isayas 60:1 - Fanawbuid tagsibaliwas Fakayabian

¹ “Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 60:1 ပူးပေါင်းရင်းမြစ်များ

Alubad. 102:16

Aroro Yawi ban gdog yay namalindug furuan Siun, ay namasure at fagmasineun.

Alubad. 87:3

Erusalem, Dius at furuan, dungugani Dius at ngay longan masine sabaliwa emu!

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Isayas 24:23

Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.

Isayas 28:5

Ginanya ban fag menit, Yawi at Mabalyanan umkata sik masine fag sangbo barugwak sas fagayu at kinsawad fag ngay taw.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 4:5

Ginanya ban, Yawi nangawat linyabu laman glanbung furuan Erusalem ay sas fagayu at maful sanya, kaduge mamenit. Ay nangawat yangay ban sik afuy tagigang laman gyamag gina mayabi. Siginan ban takatanya, at fagmasuloun nanuklub furuan Erusalem.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 58:8

Ay nu katanya tua ay fakamulun, dumamlag am kata nu bagu kamenit, ay namafia kwan ayu. Au Yawi at matuyan tagsi ay fagunan, ay siginan ku fagmabalyananun tagsi ay faguyanan, gdiri ktua ban ayu.

Isayas 62:1

Aroro kesug au Siun, kwa ban gfaragang nu garingang au yakmay at fagmatuyanun ay at fakalangfean kalag kata sik salung tagdamlag.

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Isayas 66:11

laman umsik maramraman yangay am kata sik ngenge tagsusu sit mina ay napsug.”

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Esekyel 43:4

Sanya ginan, Yawi at kamasuloan nasakbo sat bale, siginans fakamenitan baliwa fag sakbawan.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Mateu 5:16

Ay ugali katai sik salung nu gdamlag sas fagayu taw, laman ngay taw nu nalag te, masine ay fakamulun, sumeg ay Mama sas banwa.

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 1:9

Andasug wan at matuyan fag fagmayamagun tagdamlag sas fagayu taw sas fagdaul daga.

Uan 12:46

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Uan 3:19

Ngay taw at faginfauriananun aroro fagmayamagun dewa andasug ste swa daga, kesug way fagmadulumun abat ngate sas fagmayamagun aroro at ngay fakamulun mauri way.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

Filipus 2:15

laman katap tuam fia te, Dius am at ngay sisian, at yud e malong, ay sik fagfaningan kaduge am gfasuglatan sit yud matuyan fag ngay taw, ay laman di e kafoyung sas fagayu taw te, ay fakamulun mauri. Nu katanya tua, gdamlag am sas fagayu taw kata galeme nu masulo sis banwa,

1 Pedru 4:14

Ay nu e gfalingun ayu aroro sa tam Fun Isus, mauseganan am, aroro si tua ayu at Masine fag Falad tagsiginans Dius.

At Nafasure 21:11

Kafag furuan ganinag siginan Dius at fagmasineun, ay at yamag kata sik mesug fag gang, kata sik mayamag fag gang mameloan.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.