Isayas 6:9 - Fanawbuid tagsibaliwas Fakayabian

⁹ Ay tam Fun nalong te, “Loi wan ay foyungi sa ku ngay taw Israel te, ‘Gdungug oma am gugat, dewa katanya, wam gtogdungug. Ay gdama oma am gugat, dewa katanya, wam kayamag!’ ”

Isayas 6:9 ပူးပေါင်းရင်းမြစ်များ

Fangatulun 28:5

Ngay taw at mauri wa gtogdungug fagmatuyanun, dewa katanya, nusnga sinu tagafanud sas Yawi gtogdungug tua.

Isayas 28:13

Nu katanya, Yawi at longan sa anya fagayu we masuad, kata sa sik ngenge sirut nu garingang we masuad. Ay kanya fag ngay taw nu glo wan umfuan ay umke fakarukan, ay umsangdaw ay umgamat wan.

Isayas 29:10

Aroro Yawi kata nu nafatiug ayu ngabasad. Ay ay ngay taglong kata ay ngay alfuyu ay ay ngay mata, ay dewa katanya, Yawi natabun way.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 42:20

Glag oma am, ay wam kasalag. Gdungug oma am, ay wam kaylat gdungugan!”

Isayas 43:8

Yawi nalong yay te, “Uroi ku ngay taw at yud glag dewa e mata, ay at yud gdungug dewa e talinga.

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Esekyel 12:2

“Taw at baguama, namanwan o sa sangay taw takamabo. Kanya fagayu e mata oma, dewa katanya, wa glag, ay e talinga oma, dewa katanya, wa gdungug, aroro kanya fagayu sik ngay takamabo way.

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Markus 4:12

Laman kanya fag ngay taw, ‘dewa gdama, wa glag, aroro nu natogdungug di, kanya ban fag ngay taw umfoli sa angku, ay namalyam au at ngay asalanan.’ ”

Lukas 8:10

Ay Isus nalong te, “Dius kaylat nu sumaful am at ngay masuksuk sabaliwa at fagfagtainanan. Ay sa tibak taw faydayuanan way lang, laman, ‘dewa gdama, wa glag, ay dewa gdungugan, wa gtogdungug.’

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Ruma 11:8

At Rirukan nafoyung te, “Dius nafon sanya fag ngay taw sik maksvn fag fantiugun, laman at mata wa glag, ay at talinga wa gdungug dasug katsi.”

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.