Isayas 6:6 - Fanawbuid tagsibaliwas Fakayabian

⁶ Ay sanya ginan, at sadik awatan nalayug nangadasug sa angku, e buba sik fanikfit singsing afuy siginans fagirugan fanggalangun.

Isayas 6:6 ပူးပေါင်းရင်းမြစ်များ

Nu Galin 25:38

Ngay famagud fagigangan ay fantaga at nagdafugan awati yangay siginan at yud e suglat fag gintu.

Isayas 6:2

Sit tungud alfuyu e ngay awatan tagsiginans banwa. Ay galay at sadi e unumk fakfak. At fakfak at dua gtabun at mesa mata, ay at dua gtabun at mesa darafa, ay at dua at fanlayug.

Eremyas 1:9

Sanya ginan, Yawi nafalugde at take ay nated ku bibig ay nalong te, “Gfon au sa emu ku ngay longan am fagnanlongun.

Esekyel 10:2

Yawi nalong sa kafag taw tagalanbungan at masine fag ramit te, “Loi sas wabilug ngay awatan at ke fakfak at ngay fanlao ay fapnui am ngay daluap singsing afuy ay farapyagi sas fagdaul furuan.” Ay kanya nalao wan.

Lebitiku 16:12

Sanya ginan, kanya gbul sik famanus famaebebanglu, ay gfapnu singsing afuy siginans fagirugan sis bale ramit. Kanya gbul yangay duak galumut famaebebanglu, ay gbuba kanya fagayu sat Mafasamanan Fia fag Suluk.

Tap 16:46

Sanya ginan, Muisis nalong sas Arun te, “Buli am famanus famaebebanglu ay suadi singsing afuy siginans fagirugan fanggalangun. Suadi yangay famaebebanglu ay fasakiti bubai sa sangay taw ay irugi sik fanggalangun laman sas Yawi laman famalyam at ngay taw at ngay asalanan, aroro Yawi andotama ay gfasigad wan nu gfaurianan.”

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Fakamulun 2:3

Ay kanya fagayu e nalag kata sik ngay igang ayu sirut ay antayuk sas galay at sadi.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Ebreu 1:7

Katatuy Dius at Longan nu sa man baliwa at ngay tagbarita, “Mafakata kways tagmara ngay tagbarita, ay at ngay fagsuguan kata sik afuy at igang.”

Ebreu 13:10

Ngay tagfon fanggalangun tagfakamulun sis Dius at bale wa masine namasfuan antam nangon sa tam fagirugan.