Isayas 6:5 - Fanawbuid tagsibaliwas Fakayabian

⁵ Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Isayas 6:5 ပူးပေါင်းရင်းမြစ်များ

Fakasigadan 32:31

Ay Akub nu glao siginans Penyel, menit ansure wan. Ay kanya galbian glao, aroro naslu at rawang.

Alubad. 24:10

Sinu kanya fag Fun at mabalyanan? Yawi at Mabalyanan. Matuyan wan, kanya mandi at mabalyanan fag Fun.

Nu Galin 24:10

ay nalag Israel at Dius. Ay sis Dius at fagsiadan e kata sik dalan mawatan siginan sik gang gmedmeloun, at kasuloan kata yays kiwang.

Nu Galin 3:6

Ay glong yangay te, “Au wan am mangaguyang Abrayam, ay Isak, ay Akub at Dius.” Ay Muisis nu nadungug at aringang, natabun at kamatan aroro kalimu gdama Dius.

Nu Galin 33:20

Dewa katanya, kwa gfalag sa emu ku kamatan aroro nusnga sinu at nalag ku kamatan, wa gleleg ya.”

Nu Galin 4:10

Ay Muisis nalong sas Yawi te, “Ku Fun, wa masine nu garingang au. Siginan ebi ay dasug katsi, gidapan kway garingang, ay dewa katsi gina ta gkamatoan. Kwa masnug.”

Nu Galin 6:12

Dewa katanya, Muisis nalong sas Yawi te, “Ngay taw Israel wa kaylat ya gdungugan angku, kaugat wa ro Igiptu at fun nu yud gdungugan. Ay sarokta wa masnug nu garingang au!”

Nu Galin 6:30

Dewa katanya, Muisis nalong sas Yawi te, “Wa fia masnug nu garingang au, nu katanya, Igiptu ro at fun wa gdungugan angku.”

Isayas 24:16

Ay umdungug ban tagfangalubadan sas fungfung daga te, “Segi, Dius at matuyan.” Ay dewa katanya, au afanyuan kway fag taw. Kamomuy au! Aroro takamabo fag ngay taw gfataglayun way nu kamabo.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 33:17

Am fag ngay taw Israel, lumag ban am sik mabalyanan fag fun nu gfunan sat tagbia fag fagfagtainanan.

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Eremyas 1:6

Ay nabalus au te, “Ku Fun Yawi, kya makatu namoyung am longan, aroro baguama kyay.”

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Esekyel 12:2

“Taw at baguama, namanwan o sa sangay taw takamabo. Kanya fagayu e mata oma, dewa katanya, wa glag, ay e talinga oma, dewa katanya, wa gdungug, aroro kanya fagayu sik ngay takamabo way.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Daniel 9:20

Gfataglayun au gdarangin ay get famalyam laman sa ku ngay asalanan ay sa ku kaiban fag ngay taw Israel at ngay asalanan. Nafainfanyuan au sas Yawi laman sat yud e malong fag buksul.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Tap 17:12

Ngay taw Israel nalong sas Muisis te, “Umbul waban ami ste!

Tagfangguna 13:22

Ay Manwa nalong sat mangena te, “Matuyan kabul ro ta, aroro nalag ta Dius.”

Tagfangguna 6:22

Ay Gidyun nu natuyan te, Yawi wa fia at tagbarita at nalag, nalong te, “Yawi, ku Fun, nalag kwa fia ay nafasalubangan am tagbarita!”