Isayas 6:4 - Fanawbuid tagsibaliwas Fakayabian

⁴ At kaksvnan kanya fag awatan nu guro, nauig Yawi at bale at fagfatungkudan, ay anus ankapnu sasad basad bale.

Isayas 6:4 ပူးပေါင်းရင်းမြစ်များ

2 Krunika 5:13

Ngay tagfawang budyung ay tagalubad magamut nu gfauseganan Yawi gina e gfawang budyung ay fagfadkalinganun, ay tiba yak fagfawangun. Katatuy kanya fagayu at alubad: “Yawi matuyan, ay nu kesug di e fakatabuan.” Sanya ginan, linyabu nasifig Yawi at bale.

Alubad. 18:8

Sik anus naduksun siginan at dungus, ay sik afuy tagigang ansure siginan at bibig.

Nu Galin 40:34

Sanya ginan, linyabu nasuklub Yawi at bale, ay Yawi at fagmasineun ankapnu sanya fag basad bale.

Esekyel 1:24

Kanya gina glayug, at ngay fakfak nu gwvswvs kata mamam nu gfawas, kata at mabalyanan fag Dius nu garingang, ay nu kadungug kata ngayuk tagfawayan nu gbarisanan. Ay kanya fagayu nu nragang wan, gfalut wan at mesa fakfak.

Esekyel 10:5

Kafag ngay awatan at ke fakfak nu gyabyab, kadungug sas day alad kata at mabalyanan fag Dius nu garingang.

Esekyel 41:16

ay anggan fanangbas, fagayu masifigan mafadalusan fag kayu, siginan at salug sitsigon ngay fagbanawanan. Kafag ngay fagbanawanan yangay mafatungluan yangay kayu.

Esekyel 44:4

Sanya ginan, kafag taw nataban angku ay nadalan ami sas fawalan baliwa fag sakbawan, ay nataglayun ami sas Yawi at bale at daga salubangan. Sanya nalag au Yawi at kamasuloan nu mapnu sit bale, nu katanya, nlub au sas daga.

Amus 9:1

Sanya ginan, Amus nalong te, “Nalag au Fun Dius nu malindug munakbang sis fagirugan, ay nalong sa angku te, ‘Falangi ku bale at ngay fungfung turuk laman at ugun umlafi ay ngay taw umtalfi. Ay at sawad umbul sas awayan, ay nusdi sadi we malagyu ay we malangfe.

At Nafasure 11:19

Ay nu ntabu takatanya, Dius at bale sis banwa anluang, ay sad basad, anlag at Fagsuadan Nasadian. Ay ginanya maksvn nu glimbad ay nu glingsi ay nu gawang, ay maksvn yangay nu guig, ay nu karak yelu.

At Nafasure 15:8

Ay Dius at fagmasineun ay at fagmabalyananun nafapnu anus sas Dius at bale. Ay nusdi sadi we masakbo sanya nu dyakmay antabu kafag fituk tagbarita at buba fag fituk faurianan.