Isayas 6:3 - Fanawbuid tagsibaliwas Fakayabian

³ Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Isayas 6:3 ပူးပေါင်းရင်းမြစ်များ

Esra 3:11

Sanya ginan, kanya fagayu gseg ay gfauseganan Yawi, ay galubad te, “Yawi matuyan aroro nu kesug ngay taw Israel di e fakatabuan.” Ay fagayu taw maksvn nu guro gfauseganan Yawi, aroro antabu wan nu kawat Yawi at bale at fagfatungkudan turuk.

Alubad. 57:11

Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

Alubad. 66:2

Alubadi te, Dius sik takadungug, ay suyui tua nu gfauseganan am anya.

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 8:2

Ngay ngenge ay sisian am nafalganan laman gfauseganan emu, laman am fawayan umkapla.

Alubad. 90:16

Fasurei sa emi, ay anggan ban sa em ngay kasugfunanan, am fagmabalyananun, ay am ngay fakamulun at madulo.

Alubad. 97:6

Banwa gfoyung te, Dius matuyan. Ay fagayu talun at taw nalag at fagmasineun.

Alubad. 99:3

Ngay taw sas fagdaul daga gseg anya, aroro kanya mabalyanan ay sik fagsuyuun, ay di e malong.

Alubad. 99:9

Segi Yawi, tam Dius! Tudani sat nafili fag buksul, aroro kanya di e malong.

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Isayas 24:16

Ay umdungug ban tagfangalubadan sas fungfung daga te, “Segi, Dius at matuyan.” Ay dewa katanya, au afanyuan kway fag taw. Kamomuy au! Aroro takamabo fag ngay taw gfataglayun way nu kamabo.

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Esekyel 43:2

Ay nalag au sanya Israel at Dius at kamasuloan nu kadasug siginans fakamenitan. Nu kadasug kata sik mamam nu gfawas ay gdamlag sanya fag talun.

Esekyel 44:4

Sanya ginan, kafag taw nataban angku ay nadalan ami sas fawalan baliwa fag sakbawan, ay nataglayun ami sas Yawi at bale at daga salubangan. Sanya nalag au Yawi at kamasuloan nu mapnu sit bale, nu katanya, nlub au sas daga.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Tap 14:21

Dewa katanya, au Yawi, gfatuyanan au te, kaksvn nu gleleg au ay ku fagmasineun nu kapnu fagdaul daga,

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.