Isayas 6:2 - Fanawbuid tagsibaliwas Fakayabian

² Sit tungud alfuyu e ngay awatan tagsiginans banwa. Ay galay at sadi e unumk fakfak. At fakfak at dua gtabun at mesa mata, ay at dua gtabun at mesa darafa, ay at dua at fanlayug.

Isayas 6:2 ပူးပေါင်းရင်းမြစ်များ

Fakasigadan 17:3

Ay Abram natudan namalub laman gfababaun sis Yawi at daga salubangan. Ay Yawi nalong anya te,

1 Fun 19:13

Elyas nu nadungug, kanya nabul at ramit ay natabun at kamatan ay namalindug sis luib at sakbawan. Ay e naringang sa anya te, “Elyas, wain am fagstaeun?”

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

1 Fun 6:24

Kafag duak awatan at ke fakfak gsud yay ay katanya yay at kawalungan. Fagdua e mesa fakfak at kabaan limak siu gsugfunanan.

1 Fun 6:27

Fun Sulumun nafasalubangan tuy fagdua ay nafasakbo sat Mafasamanan Fia fag Suluk, ay at ngay fakfak marafadan. At sadi at fakfak mesa gtayuk sas dingding, ay at sadi gdaddasugan ay gtiu sas suluk.

1 Fun 8:7

Kafag ngay awatan at ngay fakfak marafadan, ay gtabun Fagsuadan Nasadian ay anggan at ngay famuba.

Nemyas 9:6

Yawi, o wan at nawat banwa, ngay galeme, daga ay dagat, ay fagayu tagbanwan sanya. Ay nafae leleg o fagayu am awatan tagleleg, ay am ngay tagbarita sis banwa gseg tua gugat emu.

Ub 1:6

Sik menit, Yawi at ngay tagbarita maful sit daga salubangan, ay sanya yangay Satanas.

Ub 15:15

Dius wa fia gafanud at ngay tagbarita; tagsis banwa fag ngay awatan nu dway fia masine sit daga salubangan,

Ub 4:18

Dius ro nu gaduanun way sat fagsuguan fia fag ngay tagbarita, ay nu nasaful way kafag ngay tagbarita at fagyudun mamatanganan,

Alubad. 103:20

Segi Yawi, am at mabalyanan fag ngay tagbarita tagdungugan tua, ay tagfaning at ngay longan.

Alubad. 104:4

Nawat o tagmara am tagfadasug barita, ay ngay limbad am fagsuguan.

Alubad. 18:10

Sik tagbarita ay sik tagmara nabuba anya masakit.

Alubad. 89:7

Am ngay tagbarita at yud e malong gina maful gsuyu emu. Ay amabalyanan yap tuo ay amalimu sas fagayu tagsim ligung.

Nu Galin 25:20

Kafag duak awatan at fakfak famarafadi laman gfalanbung tungud fanuklub, ay kanya fag dua gsalubangan ay gdama sas fanuklub.

Nu Galin 3:6

Ay glong yangay te, “Au wan am mangaguyang Abrayam, ay Isak, ay Akub at Dius.” Ay Muisis nu nadungug at aringang, natabun at kamatan aroro kalimu gdama Dius.

Nu Galin 37:9

Kafag duak awatan at fakfak famarafadi laman gfalanbung tungud fanuklub, ay kanya fag dua gsalubangan ay gdama sas fanuklub.

Isayas 6:6

Ay sanya ginan, at sadik awatan nalayug nangadasug sa angku, e buba sik fanikfit singsing afuy siginans fagirugan fanggalangun.

Esekyel 1:11

Ay at dua at fakfak mafarafadan sat tungud baliwa ay gdaddasugan, ay at dua yak fakfak gsuklub at mesa bilug.

Esekyel 1:24

Kanya gina glayug, at ngay fakfak nu gwvswvs kata mamam nu gfawas, kata at mabalyanan fag Dius nu garingang, ay nu kadungug kata ngayuk tagfawayan nu gbarisanan. Ay kanya fagayu nu nragang wan, gfalut wan at mesa fakfak.

Esekyel 1:4

Kaduge au gdama, nalag au sik fulug kadasug siginans fawalan fag alvngvdan. Ay siginan sad linyabu maksvn nu glimbad, nu katanya, sit ligung maksvn nu mayamag. Ay at kaksvnan nu glimbad, masulo kata sik tansu.

Esekyel 1:6

ay galay at sadi ufat at kamatan, ay e mesa ufatk fakfak ay at ngay bitis malugde, ay at ngay darafa kata baka at darafa, ay ganinag kata sik tansu, ay at ngay daluap kata sik taw at daluap, ay si way at ngay daga fakfak.

Esekyel 1:9

At ngay langbud fakfak gdaddasugan. Ay nusnga nday nu glayug gasfuan ay gturunan mandi.

Esekyel 10:16

Kafag ufatk awatan tagleleg nu glao wan, kafag ngay fanlao galo yangay, ay nu glayug wan, anggan kafag ngay fanlao glayug yangay.

Esekyel 10:21

Galay at sadi ufat at kamatan, ay e ufatk fakfak, ay sit daga fakfak e kata staw at daluap.

Daniel 7:10

Ay afuy gfamilugan siginan anya. Ay ngayuk tagbarita gfauseganan anya. Kanya nafalganan wan nanwabilug, ay nalunggab ngay fafil laman nanginsaful.

Daniel 9:21

Ay kaduge au gdarangin, anfasludan kata ku nalag ebi sa ku taginfan, Gabriel masakit nu glayug ay andasug sa angku. Ginanya fag buknga, gfon fanggalangun sfafun.

Sakaryas 3:4

Nu katanya, tagbarita glong sa tibak tagbarita tagsit salubangan te, “Buli wan Uswe at lanbung.” Sanya ginan, tagbarita glong sas Uswe te, “Nabul kwan am ngay asalanan. Ay katsi, namasulun au sa emu at masine fag lanbung.”

Lukas 1:10

Ay gina Sakaryas girug famaebebanglu, ngay taw gdarangin sis day bale.

Ebreu 1:7

Katatuy Dius at Longan nu sa man baliwa at ngay tagbarita, “Mafakata kways tagmara ngay tagbarita, ay at ngay fagsuguan kata sik afuy at igang.”

At Nafasure 14:6

Ay sanya ginan nalag au sadi yak tagbarita nu glayug sis kiwang gbuba at Masine fag Barita at yud e fakatabuan, ay kanya gfoyung sas fagayu taw tagbanwan sas fagdaul daga, sas fagayu talun, ay sas fagayu kasugfunanan, ay sas fagayu fangaringang, ay sas fagayu gaban taw.

At Nafasure 4:8

Kanya fag ufatk tagleleg fag awatan mesa unum at fakfak, galay at sadi mafus way lang mata fagdaul at bilug. Ay kafag ngay awatan wa karagang nu galubad dewa swa menit ay sad yabi te, “Yud e malong, yud e malong, yud e malong, Dius tam Fun at mabalyanan sas fagayu. Dius tagleleg ebi, ay katsi, ay kabavn ban.”

At Nafasure 7:11

Ay fagayu tagbarita anlindug maligung sanya fag faglunggungan ay si sangay fagtainan, ay kafag ufatk tagleleg fag awatan. Ay kanya fagayu namalub sis salubangan faglunggungan ay gseg Dius te,

At Nafasure 8:13

Ay sanya ginan nalag au sik bio nu glayug sis kiwang, ay nadungug au nu guro te, “Gina ban at tulu yak tagbarita nauyup at budyung, kadasug ban at maksvn fag malimu sa sangay taw tagbanwan sas fagdaul daga.”