Isayas 6:11 - Fanawbuid tagsibaliwas Fakayabian

¹¹ Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Isayas 6:11 ပူးပေါင်းရင်းမြစ်များ

Alubad. 74:10

Dius, seduge tua ban em ngay fawayan nu gfalingun emu? Ay seduge tua ban nu gfauri am ngayan? O nunda ban kabavn wan?

Alubad. 79:5

Yawi, seduge ban nu kadotama o gugat emi? O nunda ban we fakatabuan ya? At kaksvnan nu kasulup o emi kata sik afuy nu masugba!

Alubad. 90:13

Yawi, afolii wan sa emi! Seduge tua ban nu kadotama o emi? Dungugi tua ay afanyui emi, am ngay fagsuguan!

Alubad. 94:3

Yawi, seduge tua ban nunda at mauri fag ngay taw nu kamanagsag gugat? O nunda ban we fakatabuan ya?

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 13:12

Wa ban ngayu ya ngay taw at kumsawad. Kafag ngay taw ban wa kayu ya gintu tagsiginans Ufir.

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 5:9

Yawi at Mabalyanan nalong angku te, “Gtuyan au te, wa ban e namanwan ya sanya fag ngay bale ayu daul at masine.

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Isayas 64:10

Am ngay furuan at yud e malong ay anggan furuan Erusalem kata wa sik talun yud e gbanwan.

Eremyas 22:6

Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 44:2

Katatuy Yawi, Israel at Dius, at longan: “Nalag wam ku nafadasug fag faurianan sas furuan Erusalem ay sa sangay taw Uda. Ay katsi kanya fag furuan anrasras wan ay we gbanwan ya sanya,

Eremyas 52:27

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Esekyel 6:6

Ay fagdaul ban ay furuan kaiklas wan, laman ay ngay fagnansegan ay ngay fagnangirugan ay anggan ay fagnangirugan at mabebanglu fag lune ay tiba ya ay nafakamulun, umkalyam wan.

Daniel 8:13

Ay nadungug au duak tagbarita nu gkamatoan. At sadi nainto te, “Seduge ban nu yud gfon ya fanggalangun kayu menit, ay nu gfauri Yawi at bale, ay nu grasras tagsis banwa fag ngay awatan, kata kafag taginfan?”

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Mikas 5:11

Ay namaiklas kban ay ngay furuan daul anggan ay ngay fagnanuksuanan bale at mogat.

Mikas 6:13

Nu katanya, namamin kban ayu aroro sa ay asalanan.

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

Deuterunumyu 28:62

Dewa ban am kayu ngay galeme sis banwa, wa ban am bangan e sawad ya, aroro wam nafaning Yawi.

Deuterunumyu 28:63

Kata Yawi nu guseganan gfaramraman ay gfayu ayu, kanya ban guseganan yangay nu grasras ay nu gfabul ayu, anggan am nalyam si ay fagnamanwanan ay ay fagnangagbilugun fag talun.