Isayas 6:10 - Fanawbuid tagsibaliwas Fakayabian

¹⁰ Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Isayas 6:10 ပူးပေါင်းရင်းမြစ်များ

Alubad. 119:70

Kafag ngay taw we fagsafulun ay wa gtogdungug, dewa katanya au, guseganan ktua gfaning am faugali.

Alubad. 17:10

Kanya fag ngay taw nu garingang kamatungudun ay we fakafanyun.

Alubad. 69:23

Kanya nangus fagayu wa glag, ay famomuyi maksvn gtadtaruyan.

Nu Galin 10:27

Dewa katanya, Yawi nafaogatun yay fia Igiptu at fun, ay kanya wa nafalao anya fagayu.

Nu Galin 11:10

Muisis ay Arun nafakamulun takatanya fag ngay madulo sis Igiptu at fun at daga salubangan. Dewa katanya, Yawi nafaogat Igiptu at fun at amatanganan, ay kafag fun wa naylat ngay taw Israel nu glao siginan at talun.

Nu Galin 14:17

Namaogat au ngay taw Igiptu at ngay amatanganan laman namafalo ayu. Dewa katanya, namabul au Igiptu at fun ay at ngay tagfawayan ay anggan tagsaful gsakay sis kabayu ke faguyudan. Ay nu katanya, e gfauseganan ban angku.

Nu Galin 7:3

Dewa katanya, namaogat kban Igiptu at fun at amatanganan. Dewa kban nafasure ngayuk fakamulun at madulo sas talun Igiptu,

Fangatulun 16:30

Saruyani tua sik taw at mafangase ay tagligbat ayu sirut, aroro tibaginan at algan mauri way.

Takamoyung 3:3

E buknga gfabul ay e buknga gfafia, e buknga giklas ay e buknga kawat.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 28:13

Nu katanya, Yawi at longan sa anya fagayu we masuad, kata sa sik ngenge sirut nu garingang we masuad. Ay kanya fag ngay taw nu glo wan umfuan ay umke fakarukan, ay umsangdaw ay umgamat wan.

Isayas 29:10

Aroro Yawi kata nu nafatiug ayu ngabasad. Ay ay ngay taglong kata ay ngay alfuyu ay ay ngay mata, ay dewa katanya, Yawi natabun way.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 29:9

Am fag ngay taw Uda, katai yud e nasafulan. Katai yud glag. Alangui ay ranranugani, bunwa aroro nainum am fanlangu.

Isayas 44:18

Kafag ngay taw wa nasaful at fakamulun. Natabun at ngay mata ay wa glag. Ay natabun yangay at ngay amatanganan ay wa gtogdungug.

Isayas 63:17

Yawi, wain am fagnaylatun nu kayayu ami siginan am balyawvtan? Wain am fagnafaogatun em amatanganan, laman wami gsuyu emu? Katsi, dogi yap dungugi emi, aroro ami wan am fagsuguan ay o way lang tagagbilug emi.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Takabalu 3:65

Ay faogati at ngay amatanganan ay faurii anya fagayu.

Sakaryas 11:15

Yawi gdog yay fia glong angku te, “Nangakata o sik yud e masuad fag tagalaga tupa.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Mateu 13:15

Aroro kafag ngay taw kamaogatun way, ay wa kaylat gdungugan, ay gtipan way. Kafag ngay taw yaman katanya, glag tua ban, ay gdungug, ay gtogdungug ay kafoli sa angku, ay gfafia kban anya fagayu.’

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Fakamulun 28:27

Aroro tuy fag ngay taw we amatanganan, ay kauri gdungug, ay at mata gtipan way. Satu ro nu dyaman katanya, kafag ngay taw glag tua ban ay gdungug tua ban ay gtogdungug tua ban, ay kafoli sa angku ay namafia kban anya fagayu.’ ”

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

2 Kurintu. 2:16

Sa takafaurianan fag ngay taw, kata way mi sik ayuk takamabul. Ay dewa katanya, sa takalangfe fag ngay taw, kata tuami tagfon leleg fag ayuk. Sinu at mafafakamulun takatanya?

Deuterunumyu 2:30

Dewa katanya, Sikun, Kesbun at fun wa naylat nu gdalan tam sat talun, aroro Yawi nafaogat at amatanganan, laman gfababawan sa antam, kata at nafakamulun katsi.

Deuterunumyu 29:3

Nalag am ebi at maksvn fag faurianan, ay at nafasure fag ngay fakamulun at maksvn nu madulo.

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.

Deuterunumyu 31:20

Gtaban kban anya fagayu sat masine ay maramraman fag talun, ku nafatuyan sat ngay mangaguyang. Ay kanya ban fagayu gbanwan sanya manabayan, ay kon ban nusnga setaw fag fakonun at naylatan, ay kapsug tua. Dewa katanya, kanya ban fagayu gtalyuyan angku ay nanseg tibak fagsegan, ay wa ban gfaning ku nasadian.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.