Isayas 6:1 - Fanawbuid tagsibaliwas Fakayabian

¹ Gina fun Usya kabul fag banwa, nalag au tam Fun Dius nu malunggung si tiba tungud fag fagmalunggungan, ay at lanbung aba ankapnu sat basad bale.

Isayas 6:1 ပူးပေါင်းရင်းမြစ်များ

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

2 Fun 15:7

Ay Asarya nu nbul wan, nanamoli anya sat ngay mangaguyang at fagfolian, sis Dabid at furuan. Ay at baguama Utam at natubus anya laman sik fun.

2 Krunika 18:18

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

Ub 42:5

Ebi siginan way ku iba nu gsaful au sabaliwa emu, dewa katanya, katsi nalag kwan emu.

Alubad. 108:5

Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

Alubad. 113:5

Sinu at mafasud Yawi tam Dius? Kanya malunggung sit mabalyanan fag fagmalunggungan sis banwa,

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Nu Galin 24:9

Sanya ginan, Muisis, Arun, Nadab, Abyu, ay anggan taw Israel at fagtainan fag fituk safulu, naundaud sas buksul,

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 12:4

Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Esekyel 1:1

Au Esekyel fag tagfon fanggalangun, Busi at baguama. Ay sik natabanan kyangay sas talun Babilunya. Gina au gbanwan sis tigyangan Liskung Kebar gfaudgufudan at natabanan fag ngay taw, banwa anluang masakit. Ay Yawi at fagmabalyananun antayuk sa angku ay nafalag sa angku sik ngay taginfan. Anfasludan takatanya gina sis falimak menit sis faufatk magdanun sis fatuluk safuluk banwa. Ginanya, falimak banwa fun Yuyakin nu gatabanan.

Esekyel 10:1

Gina au gdama, e nalag au sik faglunggungan mawatan siginans gang tagmedmeloun, sis tungud suklub si sangay awatan at ke fakfak at tungud alfuyu.

Esekyel 10:4

Sanya ginan, Yawi at kamasuloan ankabat siginans tungud duak awatan at ke fakfak ay nalin sas sakbawan. Ay linyabu ankapnu Yawi at bale, ay at kamasuloan ankapnu yangay sad basad alad.

Daniel 10:17

Setain ro nu mafakamatoan au emu kway e fagmabitsugun ya ay kway bangan maengasan ya?”

Daniel 7:9

“Sanya ginan, nalag au sik ngay faglunggungan, ay tagleleg kabavn fag Dius nananmalunggung sanya fag faglunggungan at sadi. At lanbung ay at buk masulo at kaksvnan nu malaksi. Ay at faglunggungan ke ngay balingkitan gigang.

Tap 12:8

Nu gfakamatoan au anya gsalubangan mandi mi, aroro nu garingang au sa anya mayamag tua. Ay kanya kata wa nu nalag angku. Nu katanya, wain ay fagmalongun am at mauri sa ku fagsuguan Muisis?”

Mateu 25:31

“Au, Taw at Baguama, gina ban au kadasug stae swa daga gasfuan ngay tagbarita fagayu, e fagmasineun ban au daul. Kadugenya gmalunggung au sa ku fagmalunggungan ke fagmasineun, laman namagtainan.

Uan 1:18

Kabavn we taw nalag Dius. Ay dewa katanya, at mafilian fag Baguama at nafatoglag Dius sas fagayu taw, kanya Dius yangay ay gbanwan sit Mama.

Uan 12:41

Isayas at fagnalongun katanya aroro nalag Isus at fagmasineun ay nafoyung sabaliwa anya.

1 Timuteu 6:16

Kanya at yud kabul kabavn ay tagbanwan sisad mayamag yud e manangakbang, ay we taw batang glag anya, ay wa ban batang e glag. Siwa anya at yud e fakatabuan fag famauseganan ay fag fagmabalyananun Anud.

At Nafasure 15:8

Ay Dius at fagmasineun ay at fagmabalyananun nafapnu anus sas Dius at bale. Ay nusdi sadi we masakbo sanya nu dyakmay antabu kafag fituk tagbarita at buba fag fituk faurianan.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

At Nafasure 4:10

kanya fag duak safulu e ufatk fagtainan malub sis salubangan faglunggungan, gseg at malunggung sanya, tagleleg kabavn ban. Ay kanya fagayu nafatungkud at ngay sangbo sis salubangan faglunggungan, ay glong te,

At Nafasure 4:2

Ay arodi at Masine fag Falad antayuk sa angku, ay nalag au sis banwa sik fanfun fag faglunggungan ay at malunggung sanya.

At Nafasure 4:3

Ay at malunggung sanya ganinag kata at mafanud fag gang mameloan ay gang maraska. Ay sit faglunggungan at ligung e balango idu kata at mafanud fag gang melo.

At Nafasure 4:9

Ay kayu ginan kanya fag ngay awatan tagleleg gseg ay gfauseganan ay guseganan sat malunggung sis faglunggungan, at tagleleg kabavn ban,

At Nafasure 5:1

Nalag au sik fafil mafabilugan. Ay at malunggung sis fanfun fag faglunggungan, at siun fag daluap gbibitan kafag fafil at ke rirukan gsumbalian, ay e fituk fandafut laman wa kalugde.

At Nafasure 5:7

Ay kafag Tupa Riangan ankakbang ay nabul at mafabilugan fag fafil sit malunggung sis faglunggungan at siun fag daluap.

At Nafasure 6:16

Ay kafag ngay taw glong sa sangay buksul ay sa sangay gang te, “Atongi sa emi laman ro wami glag tagmalunggung sis faglunggungan, ay laman ro wami lumag Tupa Riangan at fandotaman.