Isayas 59:4 - Fanawbuid tagsibaliwas Fakayabian

⁴ Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Isayas 59:4 ပူးပေါင်းရင်းမြစ်များ

Ub 15:31

Kanya nangus lag gdaya at sadili siginan nu gafanud sas nusnge wain at yud e tungkul, aroro kanya ban we bulan sanya ginan fagayu.

Ub 15:35

Ay kabavn kanya fagayu at amatanganan sa way at namauri, ay gfalganan way laman nanfandaya.”

Alubad. 12:3

Yawi, faragangi wan ngay tagfandaya ay takamatungudun.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Alubad. 62:4

Ay ngay algan namalin am angku siginan ku fanambagun. Ay kamuag am gugat gfanagsag, kata nu gfauseganan, ay aroro mangaro, sa ay amatanganan, kauri wayam angku.

Alubad. 7:15

Ay kanya fagayu kata sik takali lusung laman sat ngay iba, dewa katanya, kanya yay ban fagayu at nangatong sanya.

Fangatulun 4:16

Aroro at yud matuyan fag taw wa gatiugun nu dyakmay nafakamulun at mauri, ay wa kabayan nu dyakmay e nafamauri.

Isayas 10:1

Ida, afanyuan am! Am takawat at yud matuyan fag ngay faugali. Aroro wa matuyan nu gfawabilugan am sa ku ngay taw at yud e kwa ay tagidapan. Ay gbul am anggan ngay fagbubayun ay ngay yud e fagtainan ya at ngay fagagbilugun.

Isayas 26:18

Nafandeng ami aroro gidapan ami, ay dewa katanya, wami e nafasalug. Wami e nafakamulun laman gfalangfe ami em talun, ay wami nafasalug tagbanwan ban ste swa daga.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 29:20

Aroro umkalyam wan at madot fag ngay taw ay at ngay takamalingun. Ay umbul ban fagayu takaylat gfakamulun asalanan,

Isayas 30:12

Nu katanya, Israel at Dius at yud e Malong nalong te, “Aroro nasaruyan wayam ku foyungan ayu ay nafanud wam sas famalingun ay fandaya,

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 33:11

Am fag ngay taw Asirya, we fanambagun ay ngay algan ay fagayu ay fakamulun. Ay ay fakadotamaun kata sik afuy tagfamin ayu.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Isayas 5:18

Ida! Afanyuan am, aroro kamuag am laman gfataglayun nu gasalanan am.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Isayas 59:16

Yawi andulo sat nalag te, nusdi sadi we nagubuk ngay tagafalingunan. Nu katanya, kanya nafasure at fagmabalyananun nu gfalangfe ngay tagafalingunan. Ay aroro sat fagmatuyanun, nagubuk tua anya fagayu.

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Isayas 9:15

Ngay fagtainan ay at ke fanambagun fag ngay taw umkata kafag mangilafang at liug, ay takamuag fag ngay taglong umkata kafag mangilafang at iug.

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

Eremyas 7:8

“ ‘Amatangani nu nataw ay nafakamulun! Nafanud am at yud e tungkul fag ngay longan.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Fakamulun 24:9

Ay ngay taw Udyu nafadiuganan Tertulu at ngay nalong, ay kanya fagayu nafatuyan yangay te, “Matuyan, katanya wa fia.”

Santiagu 1:15

Kafag fakaylatun gfae asalanan, ay asalanan gfadasug sas fakabulun.