Isayas 58:3 - Fanawbuid tagsibaliwas Fakayabian

³ Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Isayas 58:3 ပူးပေါင်းရင်းမြစ်များ

Esra 8:21

“Gina ami sis tigyangan Liskung Aaba, nalong au sa ku ngay fadgaloan te, ‘Lag tam gfangon laman kamababaun tam sa tam Dius, ay laman get tam sa anya te, “Gina ban mi glao, dirii emi anggan em ngay sisian ay em ngay ramraman.” ’

Nemyas 5:7

Ay nu namatangan au fia at kayaunanan, nalao kwa vtv, laman nangagras ngay tagfangguna ay at ngay fun sirut. Nalong au sa anya fagayu te, “Nafaidapan am ay ngay kaiban aroro nu get am sa anya at famayad at bedan nafae famamut yayam.” Sanya ginan, nafaful au ay nafakamatoan ngay taw.

Ub 34:9

ay glong te, ‘We fanambagun sa sik taw nu gugatan way gfauseganan Dius!’

Alubad. 69:10

Gina au gwayway ay e buknga au yud gfangon laman gdarangin, kanya fagayu gfalingun angku.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Lebitiku 16:29

“Kata ban tuy ngay taw Israel, ay ngay taw tagsiginan tibak talun at fagnangugaliun. Galay ban sis fasafuluk menit gina sis fafituk magdanun, ngay taw masine nu gdarangin ay lag gfakamulun, kata sis Famiangalay fag Menit. Aroro ginanya fag menit nu gfalyam ngay taw at ngay asalanan, laman kanya fagayu manangakbang sis Yawi at daga salubangan.

Malakyas 3:14

Nalong am te, ‘We masuad tagfaning Dius. Nataw ban at fanambagun sa antam nu nafaning tam at ngay suguan? Ay nataw ban at fanambagun sa antam nu nafalag tam te, kabalu tam ay gubun tam ngay asalanan sis Yawi at Mabalyanan at daga salubangan?’

Tap 23:4

Yawi nafablang anya ay Balaam nalong sas Yawi te, “Nafawat au fituk fagirugan ay sis galay sik fagirugan nairug au sik riangan baka ay sik tama tupa.”

Lukas 15:29

“Ay kafag baguama nabalus te, ‘Amatangani, ngayu wak banwa nu gfaning au emu kata sik fagsuguan, ay kwe nafamabo am longan. Dewa katanya, wo e nafon angku nusdi sadik riangan kambing laman guseganan au gasfuan ku ngay fagadgalangan.