Isayas 57:7 - Fanawbuid tagsibaliwas Fakayabian

⁷ Kawat am ay ngay fagfiangalayan sa tangabat fag ngay buksul, ay sanya wan nu gfon am ay ngay fanggalangun.

Isayas 57:7 ပူးပေါင်းရင်းမြစ်များ

Isayas 57:3

Dewa katanya, tagfangufit, tagfanugtug, ay takamatugtug am at kasugfunanan, gewan.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 3:2

Damai fia sis talun at yud e taw fag ngay tagbudbuksulanun. O nunda e ngay buknga yay sanya ay yud nafasuya? Nafasuya am ay talun. Kata am takamatugtug fag mangena tagmalunggung gugat sis day dalan laman gfanya mangama, ay kata am at mauri fag taw tagfanya at fagfauriun fag taw sis talun at yud e taw. Nafasuya wam ay daga aroro sa ay fagmauriun, ay sa nu gseg am tibak fagsegan.

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Esekyel 16:16

Ay tiba am lanbung nagbilug o laman famasine ngay fagnansegan fag bale sa tangabat fag ngay buknga, ay sanya nu gfagbilug o am sadili sa sangay mangama. Wa nangus anfasludan takatanya.

Esekyel 16:24

nafalindug o sis fagaweanan sik bale laman sa sangay fagsegan.

Esekyel 16:25

Ay si sangay sagbatan, narasras o am kamasinean ay nafagbilug o am sadili sas nusnga sinu fag mangama. Anud, nafagbilug wo fia am sadili.

Esekyel 23:17

Ay kanya fag ngay mangama nanansibo anya ay nafataladan. Nu katanya, kanya ansik mauri fag mangena. Dewa katanya, nu glugo wan, kanya ankuri wan ay wa nanfamatugtug ya sa kafag ngay mangama.

Esekyel 23:41

Sanya ginan, kanya nanmalunggung si sik masine fag fagtiugan sit salubangan ke fagfatungkudan. Ay kanya nafoli sa kafag fagfatungkudan at fanggalangun ma sa angku fag ngay famaebebanglu fag lune ay langis.

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.