Isayas 57:5 - Fanawbuid tagsibaliwas Fakayabian

⁵ Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Isayas 57:5 ပူးပေါင်းရင်းမြစ်များ

1 Fun 14:23

Kanya fagayu nawat fagnansegan si tangabat fag ngay buknga ay si sangay fun kayu at marabung at lanbung, ay nawat ngay turuk fagtoglagan Asera fag fagsegan.

2 Fun 17:10

Kanya fagayu nafoli sik ngay tagfamatang fag gang ay ngay turuk fagtoglagan Asera fag fagsegan sa tangabat fag ngay buksul ay si sangay fun kayu at marabung at lanbung.

2 Fun 17:7

Anfasludan takatanya sa sangay taw Israel aroro sat asalanan sat Dius Yawi, at nafaduksun anya fagayu siginans talun Igiptu ay at nafalfas anya fagayu siginans Igiptu at fun at fagmabalyananun. Nu katanya, kanya fagayu anke asalanan aroro naseg tibak fagsegan,

2 Fun 23:10

Fun Usyas nasugu yangay laman giklas fagnansegan sis Tufet, sis datag Ben-Inum, laman we namon ya at ngay sisian laman at fanggalangun sas Mulek.

2 Krunika 28:3

Ay kanya girug gugat at ngay famaebebanglu fag lune sis datag Ben-Inum, ay girug yangay at ngay baguama laman at fanggalangun. Kanya nafaning tibak gaban taw at maksvn nu mauri, Yawi at naiyan siginan sangay taw Israel.

Nu Galin 32:6

Ay nu katanya wan, fagayu taw Israel masurip nu kafulo laman namon at fagirugun fag ngay fanggalangun ay anggan at ngay fanggalangun laman sas fagmanabayanun. Fagayu gfangon ay ginum ay gfauseganan at fagsegan.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Eremyas 17:2

Ay anggan ay ngay sisian nanseg yangay say ngay fagirugan ay sa sangay turuk fagtoglagan Asera fag fagsegan tagsi sangay fun kayu at marabung, ay tagsi sangay tungud buksul.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Eremyas 50:38

Ay fagayu at fagnamulan mamam ankatat wan! Aroro sis talun Babilunya mapnu wan ngay fagsegan, tagfalyam ngay taw at amatanganan siginan nu gfalimu anya fagayu.

Eremyas 51:7

Kanya umkata sik taya mawatan siginans gintu tagsi ku daluap mapnu at malangu fag mamam. Kanya nafainum at malangu fag mamam sa sangay talun sas fagdaul daga, ay kanya fagayu nalangu ay anranug.

Eremyas 7:31

Ay kanya fagayu nawat sik fagirugan sis tungud buksul at nafangayan te, Tufet, tagsis datag Ben-Inum. Ay nairug sanya at ngay sisian laman at fanggalangun. Kdoma nasugu sa anya fagayu takatanya, ay kwe algan takatanya.

Esekyel 16:20

“ ‘Nafon yangay o anggan ta ngay sisian sa kafag ngay fagsegan laman am fanggalangun, ay laman kanya fagayu at fakonun. O nunda yo guseganan am nafagbilugan am sadili sanya fag ngay fagsegan?

Esekyel 20:26

Nafabayan kwan kafag ngay taw nu gfauri at ngay sadili siginan nu gfon ngay fanggalangun sat ngay fagsegan. Ay nafabayan kyangay nu gfon at ngay baguama tiba kaka laman at fanggalangun. Nafabayan au kanya fagayu nu gfakamulun takatanya laman kanya fagayu garinun kalimu ay sumaful te, au Yawi.

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Esekyel 20:31

Siginan nu gfon am ay fanggalangun sa sangay fagsegan anggan nu gfon am ay ngay sisian tiba kaka laman ay fanggalangun, nafauri am ay ngay sadili. Nu katanya, au, Fun Dius Yawi, gfatuyanan au te, kafanud nu gleleg au, kwa ban gfoyung sa ayu at matuyan fag longan, dewa am get angku.

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.

Lebitiku 18:21

“Lag gfon am sisian laman am fanggalangun sas Mulek fag fagsegan, aroro takatanya sik maksvn fag fakaplaun sa angku am Dius. Au Yawi.

Tap 25:6

Sanya ginan, sik taw Israel nataban sat bale ramit sik mangena tagsiginans Midyan gina Muisis ay fagayu taw Israel maful gwayway sis Yawi at sakbawan bale. Ay kanya fagayu nalag anya fag dua.

Deuterunumyu 12:2

Ay gina ban am naiyan ngay taw tagbanwan sanya, iklasi ban at ngay fagnansegan si sangay tungud buksul ay si sangay buksul ayu sirut ay si sangay fun kayu at marabung at lanbung.

At Nafasure 18:3

Aroro fagayu talun at ngay taw anke fagmauriun kata kafag furuan, ay kanya fagayu kata nu galangu. Ay fagdaul daga at ngay fun ansadi sa anya, ay ngay tagfalao sas fagdaul daga anramraman siginan kafag mangena nu gbayad kafag ngay tagfalao at ngay famalaoun laman gfaning at sadili fakaylatun.”