Isayas 57:4 - Fanawbuid tagsibaliwas Fakayabian

⁴ Gfadangungu am laman gfalingun at matuyan fag ngay taw. Am wan fag kasugfunanan takamabo ay takamalingun.

Isayas 57:4 ပူးပေါင်းရင်းမြစ်များ

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Alubad. 22:13

Ay kata yangay ngay liun nu gngarngar laman nanfangagat.

Alubad. 22:17

Ay ku ngay bini kalag wan, ay kanya fagayu gdama way lang angku.

Alubad. 22:7

Fagayu taw at nalag angku kamalingun gfainsingian at alfuyu, ay glong te,

Alubad. 35:21

Kanya fagayu guro gfantabugan sa angku te, “Anud! Nalag ami am ngay nafakamulun!”

Alubad. 69:12

Ay anggan ngay taw at malunggung sit fagkamatoanan gibugan sabaliwa angku. Ay tagalangu kawat at alubad laman gfalingun angku.

Nu Galin 9:17

Dewa katanya, nafamatungudun o sa ku ngay taw ay wo naylat kanya fagayu nu glao.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 10:15

Ay wain? O sik wase ay sik lagari e fagmabalyananun gtungud tagbilug? Ay o sik famalang maurug way tagbitbitan anya?

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:29

Aroro nadungug au nu kadotama o ay kamatungudun sa angku, namae fansayang au sim dungus ay namuksung au am bibig, ay gguyudan au emu sam guyan ay namafoli au emu sam fagbanwanan.’ ”

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Eremyas 20:8

Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Esekyel 2:4

Kanya fagayu kamaogatun way at amatanganan. Longi sanya fag ngay taw te, ‘Katatuy Yawi tam Fun at longan.’

Usea 10:9

Dius nalong te, “Am fag ngay taw Israel, gfataglayun wayam gugat gasalanan siginan ebi ay ngay mangaguyang nu gasalanan sis Gibya, ay wam gtubus ya. Nu katanya, am wan fag ngay tagfakamulun at mauri, e gfawayan ayu sis Gibya.

Tap 16:11

Yawi wan ay nafayud, bunwa Arun.”

Mateu 13:38

Ay kafag gamasun, fagdaul daga. Ay at masine fag bvtang, Dius at fagfagtainanun fag ngay taw. Ay kafag ngay makmak, ngay tagfakamulun mauri.

Mateu 27:29

Ay kanya fagayu nafabalulang sik sangbo madugi ay nafasulun sas Isus at alfuyu. Ay nafated sas Isus at siun fag daluap sik anyamu, ay natudan sit daga salubangan ay gfalingun anya te, “Tubus, taw Udyu at Fun!”

Lukas 10:16

“Nusnga sinu tagdungugan ayu, gdungugan yangay angku. Ay nusnga sinu takauri gdungugan ayu, kauri yangay gdungugan angku. Ay nusnga sinu takauri angku, kauri way anggan at nasugu angku.”

Fakamulun 9:4

Nu katanya, Saulu anlub sas daga ay nadungug sik aringang te, “Saulu, Saulu, wain am fagfauriun angku?”

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Kulusas 3:6

Dius gfaurianan ban nusnga sinu tagfakamulun takatanya fagayu.

Uswe 10:21

Ay fagayu tagfawayan anfoli sas Uswe sit fagmafulan sas Makeda. Siginan ginanya, we taw glong at mauri sa sangay taw Israel.

2 Pedru 2:13

E namasud ban sa anya kata at nafakamulun fag fagmauriun sat iba. Ay kanya fag ngay taw wa kapla gfakamulun at mauri dewa gina mamenit. Ay gfadasug sa ayu at maksvn fag fagmaplaun ay fag fagafalingunanun, ay gdaya ayu gina am magamut gfangon.