Isayas 57:2 - Fanawbuid tagsibaliwas Fakayabian

² Aroro at matuyan fag taw nu nbul wan, manabayan wan ay gfiangalay.

Isayas 57:2 ပူးပေါင်းရင်းမြစ်များ

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

2 Krunika 16:14

Ay nanamoli anya sat nafawat fag fagfolian laman sa anya sis Dabid at furuan daul. Ay nafoli anya sa sik fagtaygilidanan, ay nararus anya tagsaman saman fag ngay famaebebanglu fag ngay lune. Ay ngay taw nafaigang tagbia fag afuy laman gfauseganan anya.

Ub 3:17

Ngay taw mauri at kinbul wan wa mafakamulun ya at mauri sis fagfolian, ay takalufuy fag ngay taw at kinbul wan, gfiangalay wan.

Alubad. 37:37

Damai at matuyan fag taw. Kanya ban manabayan tua nu gbanwan.

Takamoyung 12:7

Ay nu katanya, nangafoli o sas daga, am fakasigadan, ay am falad umfoli wan sat nafon emu fag Dius.

Isayas 14:18

Ngay fun at mabulan sas fagdaul daga manabayan tua sit mesa fagfolian.

Isayas 26:7

Ay at matuyan fag ngay taw at dalan madatag tua, ay o wan, Dius at Matuyan at nafadatag.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Esekyel 32:25

Ay sanya yangay nu gfoli Elam at fun magamut at ngay tagfawayan. Kanya fagayu wa gafanud sas Dius, ay anbul yangay sis awayan. Kanya fagayu kaduge gleleg nafalimu ngay taw. Dewa katanya, kanya fagayu andasug wan sas fakaplaun magamut at kinbul sis awayan.

Daniel 12:13

“Daniel, fataglayuni am fakamulun. Kabul ban o, dewa katanya, gfadog kyay ban gfaleleg emu sa taguyan fag menit laman namul o am nainlufuyan at nafalganan laman sa emu.”

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Lukas 16:22

“Abandi, kafag taw at yud e kwa anbul, ay Dius at tagbarita nataban anya sas Abrayam at day tigyangan, laman Abrayam gfasun anya. Ay anggan at maramraman fag taw anbul yangay, ay e nanamoli anya.

Lukas 2:29

“Ku Fun, katsi mafalganan kwan kabul aroro anfasludan wan am nafatuyanan ebi sa angku,

Lukas 7:50

Ay Isus nalong sa kafag mangena te, “Am fagafanudun nafalangfe emu. Loi wan, manabayan tua ro wo.”

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

2 Kurintu. 5:8

Guseganan wami, ay gamatangan wami te, masine wami gubun tuy fag bilug laman namanwan tuami sa tam Fun at day tigyangan.

Filipus 1:23

Gawabilugan au te, inday tuy fagdua at masine: kabul kwan ay mannga gleleg kyay. Kaylat kwan gfalyam ku leleg katsi laman gfaday tigyangan kwan tam Fun Isus, aroro tuy wan tiba tungud at masine sa angku,

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”