Isayas 57:18 - Fanawbuid tagsibaliwas Fakayabian

¹⁸ Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 57:18 ပူးပေါင်းရင်းမြစ်များ

Alubad. 23:2

Ay gfafiangalay angku kata sik tupa sa sik fagnamafangonan tangayu at makmak, ay gtabanan angku sat manabayan fag bulbug.

Alubad. 51:12

Ay fafolii sa angku fagusegananun, kata ebi gina o gfalangfe angku, ay foni angku sik amatanganan at mafamaning.

Alubad. 94:19

Gina au gafanawa, nafasun tuo ay nafae fagusegananun angku.

Takamoyung 9:4

Kaduge sik taw gleleg e fagsegun yay. Kata sik faydayuanan te, “Amasine yap sik tagleleg fag idu nu gamut sik mabulan fag liun.”

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 52:12

Dewa katanya, lag gabanganan nu glo am, kata nu e faglagyuun am, aroro au wan Israel at Dius Yawi tagsi ay fagunan ay si ay faguyanan.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 31:3

Ebi Yawi ansure sa sangay taw Israel ay nalong te, “Nesug au ayu at yud e fakatabuan. Siginan ku fagmagalangun, nafakbang au ayu sa angku.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Sakaryas 1:13

Yawi nu gbalus at nafakamatoan angku fag tagbarita, malukme tua ay masun.

Lukas 15:20

Nu katanya, kafag baguama anfoli sat mama. “Gina ngayayu yay, at mama nabanawan ay anfanyu anya. Ay at mama masakit nanangakbang anya ay naugwan ay nayuk at fingi.

Ruma 5:20

Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”