Isayas 57:17 - Fanawbuid tagsibaliwas Fakayabian

¹⁷ Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 57:17 ပူးပေါင်းရင်းမြစ်များ

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 2:7

Talun Israel, ngayu at ngay salapi ay gintu, ay wa kamin at ngay ramraman. Ay ngayu yangay at kabayu, ay di katap at ngay faguyudan fangawayan.

Isayas 42:24

Sinu at nasugu te, nanfangkamuli ay nangagoi ngay taw Israel at ramraman? O nunda bunwa Yawi? Kanya tam nafamaboan. Aroro wa tam nafaning at ngay balyawvtan ay at ngay suguan.

Isayas 45:15

Dius, o wan Israel at Tagfalangfe, at matuyan wo kalag.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Isayas 64:9

Yawi, lag yap gfaksvn nu kadotama o emi, ay lag gamatangan o em ngay asalanan kabavn ban. Gfainfanyuan ami sa emu te, dungugi tua emi, aroro ami wan am ngay taw.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 51:13

Talun Babilunya, ngayu tagsi emu liskung ke mamam tua gugat, ay ngayu yangay am ramraman. Dewa katanya, andasug wan am fakatabuan fag menit nu gafaurianan o.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:6

Nadungug kwan fagayu ay ngay nalong, dewa katanya, wa matuyan. Nusdi sadi si ayu we natalyuyan ay fagmauriun. Ay we ginto sat sadili te, “Wain ku fagnafakamulunun takatatuy?” Abat ngate, galay am at sadi gfataglayun wayam sas fagmauriun kasakit sik kabayu nu glagyu sas awayan.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Lukas 12:15

Ay Isus nalong sanya fag ngay taw at maful te, “Amatangani, lag am gfanganuran nusnge wain, aroro sik taw at leleg amafanud yap tua at ramraman.”

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

1 Timuteu 6:9

Takaylat nangaramraman umtong sas famaskud ay sas sangdaw ay sat yud matuyan ay at mauri fag algan tagtaban taw sas fakabaluun ay sas faurianan.

2 Pedru 2:14

Kafag ngay taw kabavn gdama gugat sa sangay mangena ay gamatangan sas fagfanugtugun, ay wa gfaragang nu gfakamulun sas asalanan. Kanya gtaban at ngay mamomuy fag taw sas asalanan, ay annanad wan sas fagfanganuranun. Kanya ban fagayu umfaurianan.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.