Isayas 57:16 - Fanawbuid tagsibaliwas Fakayabian

¹⁶ At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Isayas 57:16 ပူးပေါင်းရင်းမြစ်များ

Fakasigadan 6:3

Nu katanya, Yawi nalong te, “Kwa kaylat ngay taw nu ngaduge nu gleleg, aroro kanya taw way. Nu katanya, siginan ban katsi, taw nu gleleg wa glangfe sadik sandan duak safuluk banwa.”

2 Samwel 24:16

Ay gina tagbarita namabul ngay taw sis Erusalem, Yawi anfanyu kafag ngay taw. Nu katanya, kanya nalong sa kafag tagbarita te, “Sabv ro! Faragangi wan nu gfaurianan o anya fagayu.” Ginanya Yawi at tagbarita malindug sis Arauna at fagruyusan, kanya sik taw Ebus.

Ub 12:10

Fagayu at awatan at ngay leleg siwa at daluap, ay anggan taw at engasan.

Alubad. 85:5

O nunda ban kaduge ami gleleg kadotama way o gugat emi, anggan sas fagayu em ngay kasugfunanan?

Takamoyung 12:7

Ay nu katanya, nangafoli o sas daga, am fakasigadan, ay am falad umfoli wan sat nafon emu fag Dius.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Eremyas 10:24

Yawi, foyungi emi tagalvngvdan si em nafakamulun, ay lag o gfaurianan emi siginan am dotama, aroro mankamin ami.

Eremyas 3:5

O nunda kadotama yay o gugat emi? Seduge tua ban nu kadotama o emi?’ Dewa am glong takatanya, at matuyan mauri way ay fakamulun.”

Eremyas 38:16

Ay fun Sedekya ginasan gfatuyanan sas Eremyas te, “Gfatuyanan au sas Yawi, tagleleg fag Dius tagfon antam leleg te, kwa ro gfabul ay kwa yangay ro gfon emu sa takaylat gyafabulun emu.”

Esekyel 18:4

Dungugani! Au tagagbilug fagayu tagleleg. Dewa at ngay fagtainan ay at ngay sisian. Ay fagayu taw tagasalanan umbul.

Amus 1:11

Katatuy Yawi at longan sabaliwas Edum: “Ngay taw Edum gfataglayun way gugat nu gasalanan, nu katanya, namaurianan kban anya fagayu. Kanya fagayu kadotama way gugat at ngay kalongan fag ngay taw Israel, ay gfafalo laman namabul yud e afanyu.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Tap 16:22

Dewa katanya, Muisis ay Arun anlub ay nalong te, “Em Dius tagfon leleg sas fagayu taw, o gfalag wo am fandotama sas fagdaul taw Israel at ngay talananan dewa sadi wayk taw at nasalan?”

Ebreu 12:9

Dewa tam mama ste swa daga gatul tua antam, ay gsuyu tua tam anya. Nu katanya, faugati yap nu gfaning tam tam Mama tagsis banwa, laman ban e leleg tua tam.