Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.
Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.
Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.
Nu katanya, lag tam mesa e amatanganan at mauri sabaliwas fakonun, nu bunway amatangani tua te, lag gfakamulun nusnge wain tagfataid ay tagfae asalanan tam faduksay.
Ay dewa katanya, em foyungan sabaliwa tam Fun Isus at natuktukan sas fasulungan kayu, kata way sik fakataidan sa sangay taw Udyu, ay we tungkul sas yud Udyu fag ngay taw.