Isayas 57:13 - Fanawbuid tagsibaliwas Fakayabian

¹³ Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Isayas 57:13 ပူးပေါင်းရင်းမြစ်များ

2 Fun 3:13

Elisyu nalong sas Israel at fun te, “Lag ta kadkasalagan. Loi wan sa am mama ay am mina at ngay taglong!” Israel at fun nalong te, “Duan! Aroro Yawi wan at nafauro emi fag tulu laman namon emi sa sangay taw Muab.”

Ub 21:18

Kanya di gaiyan anya fagayu, kata sik tagbaribudan fag tagmara nu gfalayug upa.

Alubad. 1:4

Dewa katanya, ngay tagasalanan saman way. Dius nu gdama anya fagayu we masuad, kata way sik ngay upa tagmara at fagfalayugun.

Alubad. 118:8

Amasine yap nu sa tuas Yawi nu gafanud tam, abat ngate sas taw.

Alubad. 125:1

Fagayu tagafanud sas Yawi, di kauig kata Buksul Siun, ay katanya tua gugat.

Alubad. 37:11

Dewa katanya, ngay taw ban takamababaun gbanwan tua gugat manabayan sis talun Israel ay e kwa tua nusnge wain.

Alubad. 37:22

Yawi at faggubukun fag ngay taw gbanwan tua gugat sis talun Israel. Dewa katanya, kanya gaiyan wan at nafauri fag ngay taw.

Alubad. 37:29

Ay at matuyan fag ngay taw gagbilug tua ban gugat talun Israel, ay gbanwan sanya kabavn.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

Alubad. 37:9

Yawi gaiyan at mauri fag ngay taw, dewa katanya, fagayu tagafanud sa anya gbanwan tua ban gugat ste fag talun.

Alubad. 58:9

Dius namamin wan anya fagayu, kasakit stikung nu gfauluk mamam.

Alubad. 84:12

Yawi at Mabalyanan, mauseganan sik taw tagafanud sa emu.

Fangatulun 28:25

Sik taw tagfangalabian, gfasigad awayan, dewa katanya, sik taw nu gafanud tua sas Yawi mul tua fagmaramramanun.

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 14:32

Tain ban tam famalus sa kafag talun at ngay nasugu? Tam famalus ban glong tam te, ‘Yawi tua at nawat Buksul Siun, ay at ngay taw tagidapan nu nansarirung sanya wan.’ ”

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 40:24

Kanya fagayu kata way sik tanum bagu gtugbung at bagu yay kae lalid, ay Yawi nauyup ay anlangke masakit, ay tagbaribungan fag tagmara nafalayug anya fagayu kata sik upa.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Isayas 65:9

Gfasawad kban Akub ay Uda at kasugfunanan tiba, ay kanya ban fagayu at nangagbilug ku nafili fag talun at ke ngay buksul. Kanya fagayu ku nafili ay ku ngay fagsuguan at namanwan ban sanya fag talun.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 22:20

Ngay taw Uda, nangundaud am sas tungud buksul Lebanun ay nanwayway am, aroro namin wan ay fagadgalangan fag ngay talun. Ay nanguro am anya fagayu sas Basan ay sas Abarim.

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Usea 13:3

Nu katanya, umkalyam ban am kata linyabu ay damug sbalabag, ay kata upa nu kalayug gina gtagmara, ay kata anus nu gduksun siginans faraungan.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

Tagfangguna 10:14

Wain wayam nanget gubuk sa ay ngay nafili fag fagsegan? Kanyai wan tagfalangfe ayu gina am gidapan.”