Isayas 57:12 - Fanawbuid tagsibaliwas Fakayabian

¹² Nu glong am, masine ay matuyan ay ngay nafakamulun, ay dewa katanya namasaful au te, setain ay ugali, ay takatanya fagayu we tungkul sa ayu.

Isayas 57:12 ပူးပေါင်းရင်းမြစ်များ

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Isayas 44:9

We tungkul ngay taw takawat ngay fagsegan, ay wa yangay e tungkul at fakesugun fag ngay fagsegan. Nusnga sinu tagseg takatanya fag ngay fagsegan kata nu yud glag ay nu yud e fagsafulun, ay umke fakaplaun way.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Eremyas 10:11

Nu katanya, nanlong am sa anya fagayu te, “Kafag ngay fagsegan at yud nawat banwa ay fagdaul daga, umkalyam wan siginans banwa ay fagdaul daga.”

Eremyas 10:14

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan, aroro at awatan bunwa at matuyan fag fagsegan. Kanya fag ngay fagsegan wa gleleg,

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 51:18

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Mateu 23:5

“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.