Isayas 57:11 - Fanawbuid tagsibaliwas Fakayabian

¹¹ Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Isayas 57:11 ပူးပေါင်းရင်းမြစ်များ

Alubad. 50:21

Gina am gfakamulun takatanya fagayu, kwa nasalag ayu, nu katanya, gamatangan am te, kata kway sik taw. Dewa katanya katsi, gsalag au ayu, laman gfalag au sa ayu nu se aksvn ay fagmauriun.

Alubad. 78:36

Dewa katanya, kanya fagayu nu guseganan, si way lang at ngay nalong. Nu katanya, kamuagan way.

Fangatulun 29:25

Nu kalimu way o tibak taw, kata nu nsangdaw o. Dewa katanya, nu gafanud tuo sas Yawi, umlangfe tuo.

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Isayas 26:10

Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 42:14

Yawi nalong te, “Glugo wan nu gragangan au gagwanta. Ay katsi, gfasure kwan ku dotama. Guro au kata sik mangena nu gfandeng gina gfasalug.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 3:21

Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Eremyas 42:20

Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Mateu 25:25

Ay kalimu au, ay nalubgub kway am salapi sasad daga. Ay katsi, na, am salapi.’

Fakamulun 5:3

Ay Pedru nalong te, “Ananias, wain am fagnafabayanun Satanas nu gagbilug emu laman kamuag o sat Masine fag Falad, ay wain am fagnabuinun ay daga at nagbulan laman sa am sadili fakaylatun?

2 Tesalunika 2:9

Kanya fag takamabo kadasug ban, e fagmabalyananun siginans Satanas. Ay kanya namakamulun fagayu nusnge wain at mabalyanan ay tagfandaya fag ngay fakatoglagan, ay at madulo fag ngay fakamulun.

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.