Isayas 57:10 - Fanawbuid tagsibaliwas Fakayabian

¹⁰ Ay gfalufuy am ayu siginan nu grvbvy am ngay fagsegan, ay glong am te, “Lumag ban tam.” Gfabulun am gfaksvn ay ngay amatanganan, nu katanya wam kamomuy.

Isayas 57:10 ပူးပေါင်းရင်းမြစ်များ

Isayas 47:13

Kalufuy wo gamatangan tibak taw at ngay fangatulun sa emu. Fae foyungi sa am iba at ke fagsafulun sabaliwa ngay galeme, ay tagfoyung kayu magdanun sabaliwa at kumfasludan. O nunda kanya namalangfe emu siginan takadasug ban?

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 2:25

Ngay taw Israel, ay ngay lapak anyangfis wan ay ay ngay mirmir an-gong wan nu gseg am sa tibak fagsegan. Dewa kaksvn nya, glong yayam gugat te, ‘Wami kaylat gubun tibak fagsegan. Kesug waymi ay gfaning anya.’

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

Esekyel 24:12

Dewa ro wo nafakamulun takatanya, afuy ro wa mafafalyam at ngay anenay.

Abakuk 2:13

Dewa katanya, ay nataban fag ngay taw at nawat fag ngay bale, kairug way ban, nu katanya, wa ban e masuad ay ngay nainlufuyan. Yawi at Mabalyanan at nafalganan takatanya.

Ruma 7:9

Ebi taguna, kwa saful sabaliwas Faugali, dewa katanya, fagnasaful kdi, asalanan ngaro gleleg si angku, ay kanya nataban angku sas fakabulun.