Isayas 57:1 - Fanawbuid tagsibaliwas Fakayabian

¹ At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Isayas 57:1 ပူးပေါင်းရင်းမြစ်များ

1 Fun 14:13

Ay fagayu ban taw Israel kabalu anya ay namoli. Sia way lang ban sis Erubuam at kalongan at manabayan at fagnamoliun, aroro sia way lang at matuyan sas Yawi, Israel at Dius at daga salubangan.

2 Fun 22:20

Kaduge ban o gleleg, di ban kadasug ku faurianan stae fag furuan. Manabayan tua ban nu kabul o.’ ” Sanya ginan, kanya fagayu nananlong Ulda at ngay famalus sas fun.

2 Krunika 32:33

Ay Esekyas nu nbul wan, nanamoli anya si tiba tungud fag fagfolian Dabid at ngay kasugfunanan. Ay fagayu taw Uda ay taw Erusalem nafauseganan anya. Ay at baguama Manase at natubus anya laman sik fun.

2 Krunika 34:28

Kaduge ban o gleleg, di ban kadasug ku faurianan stae fag furuan ay sa sangay taw tagbanwan ste. Manabayan tua ban nu kabul o.’ ” Sanya ginan, kanya fagayu nananlong Ulda at ngay famalus sas fun.

2 Krunika 35:24

Nu katanya, kanya fagayu nabul anya siginan at faguyudan fangawayan ay nafauli sas Erusalem. Ay kanya anbul sis Erusalem ay nanamoli anya sit ngay mangaguyang at fagfolian.

Alubad. 12:1

Yawi, gubuki angku, aroro we gfaning ya emu, ay we matuyan ya.

Alubad. 37:37

Damai at matuyan fag taw. Kanya ban manabayan tua nu gbanwan.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Isayas 47:11

Nu katanya, faurianan umdasug sa emu, ay wo saful te, setain nu gagbilug o am fangabalo laman masaruy o faurianan. Ay umdasug sa emu sik faurianan ay wo mabayad laman wa kataglayun. Sik faurianan masakit nu kadasug sa emu gina o yud mafalganan.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Isayas 57:11

Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 22:10

Ngay taw Uda, lag am gwayway aroro sas fun Usyas at nabulanan. Abat ngate, sidsiduani way laman sat baguama Yuakas at natubus anya laman sik fun ban sis talun Uda. Aroro kanya natabanan wan ay wa ban makatu ya kafoli. Nu katanya, kanya ban wa glag ya ste fag fagbanwanan sit fakasalugan. Aroro Yawi nalong te, kanya ban wa makatu ya kafoli.

Esekyel 21:3

Nanlong o sa anya fagayu te, ‘Au Yawi at mabalyanan, glong au te, gfawayan au ayu! Gguyud kwan ku fiso tagsumbalian at uyup ay namabul au ayu.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Tap 23:10

We mafatap Akub at ngay kasugfunanan aroro kanya fagayu ngayu, kayu lukbu. Nu kabul au nangus kata tua at matuyan fag taw, ay ku fakatabuan nangus umkata yangay anya fagayu.”