Isayas 56:7 - Fanawbuid tagsibaliwas Fakayabian

⁷ Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 56:7 ပူးပေါင်းရင်းမြစ်များ

1 Fun 8:41

“Ay tibak talun ban at ngay taw nu nadungug te, mabalyanan o ay madulo, ay kanya ban fagayu nu nalao stae laman nanseg emu ay gdarangin gsalubang ste fag bale,

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Nu Galin 28:38

laman kalag tua gugat sit dangasan, ay gfalag te, kanya gbuba nusnge wain taw Israel at ngay asalanan gina gfon sas Yawi. Kanya fag fagrirukan fasii way gugat sArun at dangasan laman Yawi kaylat tua ngay taw.

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 19:19

Ginanya yangay ban fag menit, e nangawat ban sik fagirugan sas Yawi sis talun Igiptu, ay namoli yangay sik gang sat taba daga laman gamatang Yawi.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 57:13

Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Isayas 60:11

Kabavn am sakbawan maluangan tua laman gfasakbo ngay talun at ngay ramraman. Ngay fun gsugfunan gsakbo sa emu.

Isayas 60:7

Ngay taw Kedar ay ngay taw Nebayut namon ban sa emu at ngay tupa, ay kanya wan at masine fag ngay fanggalangun sa angku laman gfauseganan ktua ku bale.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Eremyas 7:11

O nu glong am, tagfangkamul way at fagnanuksuanan tuy fag bale nu inda at fagnamauseganan angku? Saful kway ay ngay fakamulun si ku bale. Au, Yawi, taglong tuy.

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Esekyel 47:22

Am ban ay anggan tagsiginan tibak talun tagbanwan si ayu at kinke sisian at nangagbilug tuy fag daga. Tuyani anya fagayu te, ngay taw Israel, ay foni ban sik afud daga siginan sangay taw Israel at daga.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 21:13

Ay Isus nalong sanya fag ngay taw te, “E rirukan wa te, ‘Ku bale sik bale daranginan,’ ay dewa katanya, nawat wayam ‘ngay tagfangkamul at fagmafulan.’ ”

Markus 11:17

Ay Isus nalong te, “E rirukan wa te, ‘Ku bale sik bale daranginan, laman fagayu talun at ngay taw gdarangin sanya,’ ay dewa katanya, nawat wayam ‘ngay tagfangkamul at fagmafulan.’ ”

Lukas 19:46

Ay Isus nalong sanya fag ngay taw te, “E rirukan wa te, ‘Ku Bale sik bale daranginan.’ “Ay dewa katanya, nawat wayam ku bale ‘ngay tagfangkamul fag ngay taw at fagmafulan.’ ”

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

1 Timuteu 2:8

Kaylat au ngay mangama nu gdarangin gfabat at ngay take di nangus kadotama ay gbadbaboan.

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.