Isayas 56:5 - Fanawbuid tagsibaliwas Fakayabian

⁵ masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 56:5 ပူးပေါင်းရင်းမြစ်များ

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 43:7

Kanya fag ngay taw ku nafili. Nawat au anya laman gfauseganan angku.”

Isayas 48:19

Ay ay ngay kasugfunanan ro ngayu tua kayu lagnas, ay di ban gafaurianan.”

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Uan 1:12

Ay dewa katanya, nusnga sinu at naylat ay at nafanud sa anya, kanya natuyan kafag ngay taw te, Dius at ngay sisian.

Efesu 2:22

Ay siginan yangay ay fagmasadiun sa tam Fun Isus, kanya gfasfuan yangay gfalindug ayu laman Dius am at Masine fag Falad at fagbanwanan.

1 Timuteu 3:15

laman deyud au vtv andasug, sumaful o at masine Dius at ngay sisian at ugali. Itam wan tagleleg fag Dius at ngay taw, ay itam wan tagbakvd ay tagsarig sas fagmatuyanun.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

1 Uan 3:1

Amatangani te, maksvn tua tam Mama nu kesug antam; katanya at fagnafangayanun antam te, at ngay sisian, ay katsi at sisian tua tam. Ay fagdaul daga at ngay taw wa toglag antam, aroro kanya fagayu wa natoglag Dius.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.

At Nafasure 3:12

Nusnga sinu tua ban at nababo, namakata kban sik turuk si ku Dius at bale. Ay kabavn ban kanya wa galin ya sanya ginan. Griruk kban si anya ku Dius at ngayan, ay ku Dius at furuan at ngayan, at bagu fag Erusalem takadaga siginans banwa siginan ku Dius. Ay griruk kyangay ban si anya ku ngayan at bagu.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.

1 Samwel 1:8

Elkana nalong sas Ana te, “Nataw am fagwaywayun? Wain am fagyudun kaylat gfangon? Wain am fagmabaluanun gugat? O nunda nu mafanud au sa emu wa gtungud yap tua sas safuluk sisian?”