Isayas 56:3 - Fanawbuid tagsibaliwas Fakayabian

³ Ngay taw tagsiginan tibak talun at nafatigwanan at ngay sadili sas Yawi, lag gamatangan te, wa katap ya sas Yawi at ngay taw. Ay ngay mangama at nafaluasan, lag gfanlonganan te, “Kata waymi sik fun kayu at mayangoan.”

Isayas 56:3 ပူးပေါင်းရင်းမြစ်များ

2 Krunika 6:32

“Ay tibak talun ban at ngay taw nu nadungug te, mabalyanan o ay madulo, ay kanya ban fagayu nu nalao stae laman nanseg emu ay gdarangin gsalubang ste fag bale,

Ester 9:27

ngay taw Udyu ansadi nu guseganan kaduge duak menit kayu banwa kata Mardukyu at nariruk, ay kanya fagayu namatangan yangay sa ban at ngay kasugfunanan ay fagayu at kintaip sas taw Udyu.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 39:7

Ay at fadogan ban am kasugfunanan gatabanan ay nangasik fagsuguan sas Babilunya at fun at bale.”

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 56:6

Namae fagusegananun kyangay ban tibak talun at ngay taw at nafatigwanan sa angku at ngay sadili laman namakamulun sa angku, ay laman kesug angku, ay laman ku ngay fagsuguan, ay laman gfaning ku ngay suguan sabaliwas Famiangalay fag Menit, ay at namafasludan ku nasadian.

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Lebitiku 21:20

ay at mabarukung, ay talay fag taw, ay ke fakasaitun sit mata ay sit balat, ay tagaranas.

Lebitiku 25:45

Nu kaylat am kae fagsuguan bayadi sik taw tagsiginan tibak talun tagbanwan si ayu, ay mannga at ngay sisian at kinsalug si ay talun. Ay am wan at ke fagsuguan ay nabayad fag taw,

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Tap 18:4

Kanya ban fagayu ggubuk emu, ay tagalaga ku bale gina gfakamulun fagayu at fakamulun. Ay we masine ggubuk ayu fag talamean, bunway Lebi at kasugfunanan.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Fakamulun 10:34

Ay Pedru gfasigad gfoyung te, “Katsi nasaful au te, Dius we fagfili taw.

Fakamulun 17:4

Tibak taw nafanud sas Pablu at foyungan ay tibak taw ansadi yangay sas duama. Ay ngayu yangayk taw Gresya tagseg Dius ay takadungug fag ngay mangena at kinsadi sas duama.

Fakamulun 18:7

Ay sanya ginan Pablu nalo wan siginans taw Udyu at bale fakafulan, ay nanamanwan sas Tisyu Ustu at bale, munakbang sanya fag bale fakafulan. Tisyu sik tagseg yangay Dius. At bale munakbang sis taw Udyu at bale fakafulan.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

1 Kurintu 6:17

Ay nusnga sinu at kinsadi sa tam Fun, kanya masadi wan sas falad.

Efesu 2:12

Amatangani ay kayaunanan ebi, yam ansadi si tam Fun Isus, ay wam katap sas talun Israel at ngay taw, ay wam e afud Dius at fatuyanan sas taw Israel. Wam e fagsafulun sabaliwas Dius ay wam e fagsegun fakalangfean.

Efesu 2:22

Ay siginan yangay ay fagmasadiun sa tam Fun Isus, kanya gfasfuan yangay gfalindug ayu laman Dius am at Masine fag Falad at fagbanwanan.

Deuterunumyu 23:9

Nu namawayan am ay ngay fawayan saruyi nusnga setaw tagfauri ayu.

1 Pedru 1:1

Au, Pedru, Isus tam Fun at nasugu. Griruk au sa ayu, Dius at ngay nafili at narapyagan ay tagbanwan sis Puntu ay sis Galasya ay sis Kapadusya, ay sis Asya, ay sis Bitinya fag ngay talun.