Isayas 56:1 - Fanawbuid tagsibaliwas Fakayabian

¹ Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 56:1 ပူးပေါင်းရင်းမြစ်များ

Alubad. 106:3

Mauseganan sik taw nu gfakamulun tua gugat at matuyan ay at masine.

Alubad. 50:23

Ngay taw tagfauseganan angku, gsuyu tua angku. Nu glao tuam sa ku dalan, gfalangfe au ayu.”

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Usea 12:7

Dius glong te, “Ngay tagfaebayad gananad kamuag. Kanya fagayu gagbilug at yud matuyan fag famabudbungguan.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mikas 7:9

Aroro nafamabo way tam Yawi, agwantani wan at faurianan, yakmay nagubuk ay nafae fagmatuyanun antam. Nu katanya, Yawi gfalangfe wa fia antam, ay namae fagmanabayanun.

Malakyas 4:4

“Faningi fia ku ngay suguan ku nafon sa ku fagsuguan Muisis. Nafon au anya kafag ngay suguan sis Buksul Sinay laman sa sangay taw Israel.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 4:17

Siginan ginanya fag menit, Isus gfasigad gfoyung te, “Ubuni ay ngay asalanan, aroro munakbang wan Dius sas banwa nu gfagtainan taw.”

Markus 1:15

Ay Isus nalong te, “Siginan katsi fag menit, munakbang wan Dius nu gfagtainan taw. Ubuni ay ngay asalanan ay afanudi sat Masine fag Barita.”

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”