Isayas 55:4 - Fanawbuid tagsibaliwas Fakayabian

⁴ Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Isayas 55:4 ပူးပေါင်းရင်းမြစ်များ

2 Samwel 22:44

Nafalangfe tuo angku siginan takamabo fag ngay taw, ay nafili o angku sik funan sa tibak talun ku fagyudun toglag, ay nafafagsuguanan tuo sa angku kanya fag ngay taw.

Alubad. 18:43

Nafalangfe tuo angku siginan takamabo fag ngay taw, ay nafili o angku sik funan sa tibak talun ku fagyudun toglag, ay nafafagsuguanan tuo sa angku kanya fag ngay taw.

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 43:10

Ngay taw Israel, am wan ku tagfatuyan. Nafili au ayu laman ku ngay fagsuguan, laman sumaful am angku ay gafanud tuam sa angku, ay anggan sumaful am te, au wan Yawi. We dius at naguna angku, ay wa ban e dius ya tagguyan angku.

Isayas 43:12

Nafatuyan au te, namalangfe kban ayu, ay nafalangfe ktua ayu ay nafoyung takatanya sas fagdaul daga. We tibak dius at nafakamulun sa ayu takatanya. Am wan tagfatuyan te, au wan Dius. Au, Yawi, taglong tuy.

Eremyas 30:9

Kanya ban fagayu nu gfakamulun sa tua angku, aroro au, ay Dius Yawi, nanfili au sik fun siginans Dabid at kasugfunanan laman at nanfunan anya fagayu.

Esekyel 37:24

“ ‘Ku fagsuguan Dabid at kasugfunanan namagtainan ban anya fagayu. Sadi way ban tagalaga anya fagayu. Ay kanya ban fagayu gfaning tua ku ngay suguan ay ku ngay faugali.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Daniel 9:25

“Asafuli ay atogdungugi te, kalangfe yay ban ufatk safulu e siamk banwa siginan nu e nalong te, awati Erusalem ay yakmay ban andasug Dius at nafili fag tagfangguna. Ay kawat ban furuan Erusalem, ay at ngay fagaweanan, ay sik alian sit ligung furuan ke mamam, kaduge ufatk sandan tuluk safulu e ufatk banwa. Ay ginanya ban, wa mabayan.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Uan 10:27

Ku ngay tupa gdungugan tua angku, ay toglag au anya fagayu ay kanya fagayu galo angku.

Uan 10:3

At tagulit sakbawan gfasakbo tua anya, ay at ngay tupa gdungugan tua at aringang. Ay kanya guro at ngay tupa at ngayan ay gguna at ngay tupa gina gduksun siginan sad ubung.

Uan 12:26

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Uan 13:13

Nafangayan am angku te, Takamoyung ay ay Fun, anud, matuyan ay nalong.

Uan 18:37

Ay Pilatu nalong anya te, “Nu katanya, sik fun o?” Ay Isus nabalus te, “O wan at nalong te, sik fun au. Kanya wan ku faginsalugun ay ku fagindasugun ste swa daga, laman namoyung au at matuyan. Nusnga sinu fag taw takaylat fagmatuyanun, kanya wan tagdungugan ku aringang.”

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Efesu 5:24

Dius at ngay taw nu gfaning tua tam Fun Isus, katanyai yangay at masine anggan ngay mangena nu gfaning at mesa mangama.

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

1 Timuteu 6:13

Sas Dius at daga salubangan, tagfon leleg sas fagayu, ay sa tam Fun Isus at daga salubangan at nafatuyan sas Punsyu Pilatu, gsugu au sa emu te,

Ebreu 2:10

Dius nawat fagayu nusnge wain laman sat sadili, ay kanya anke algan gfadasug at ngay sisian sat fagmasineun. Ay naylat Isus nu kasik yud e malong fag tagfangguna siginan at naidapanan, laman gfalangfe at ngay sisian.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,