Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isayas 55:3 - Fanawbuid tagsibaliwas Fakayabian

3 Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

အခန်းကိုကြည့်ပါ။ ကော်ပီ




Isayas 55:3
45 ပူးပေါင်းရင်းမြစ်များ  

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.


Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.


Katanya ku ngay kasugfunanan sis Dius at daga salubangan, aroro kanya nawat sik nasadian at yud ban e fakatabuan laman sa angku. Masine ay matuyan at nawat fag nasadian ay wa ban e manantubus ya. Nu katanya, gtuyan au te, Dius namalangfe tua ban angku. Ay kanya gfon sa angku fagayu ku fakaylatun.


Nangus ku ngay kasugfunanan umke fagmasineun tua laman ban si tuami gugat am daga salubangan kabavn, kata am fatuyanan. Yawi, siginan am gubuk emi, fagdaul ku talananan sik mauseganan kabavn ban.”


Yawi em Dius, lag gaiyan angku, am nafili. Amatangi tua ban gugat am fatuyanan te, kesug tua ban o gugat am fagsuguan Dabid.”


Mafalganan au gfaning am ngay foyungan, sitsigons fakatabuan.


Fataglayuni nu gleleg au, laman gfauseganan ktua emu, nangus am ngay faugali tua taggubuk angku.


Ku ngay kaiban, dungugani ku ngay foyungan.


Ay kabavn ban ku fakesugun gbanwan tua gugat si anya, ay di ban gbadbalian ku nasadian sa anya.


Gfasiginan ktua ban gugat at kasugfunanan talun Israel at ngay fun; gfaksvn ktua ban gugat at fagfagtainanan, kata banwa nu yud gbadbalian.


“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”


Faningi fia ku ngay suguan emu laman ban ngaduge tua nu gleleg o. Fabanwani si emu ku ngay foyungan, kata nu gdiri o am mata.


Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.


Ngay buksul ban ay ngay fungsu dewa anbaras wan, nu kesug kban emu di kabali, ay di ban e fakatabuan ku fatuyanan sa emu te, gfae fagmanabayanun kban emu. Au wan Yawi taglong tuy.


Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.


“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.


Kanya ban fagayu nu gfakamulun sa tua angku, aroro au, ay Dius Yawi, nanfili au sik fun siginans Dabid at kasugfunanan laman at nanfunan anya fagayu.


Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.


ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”


Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.


Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.


Dewa katanya, namafasludan kyay ban ku nasadian sa emu ebi gina o mabaguina, ay nangawat au ta nasadian at yud ban e fakatabuan.


Au Yawi kanya ban fag ngay taw at Dius, ay ku fagsuguan ban gfangguna kata Dabid. Au, Yawi, taglong tuy.


“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.


Nangawat kban sik nasadian sa kafag ngay taw laman ban kanya fagayu manabayan tua gugat. Ay em nasadian ban di e fakatabuan. Namabanwan kban ay namaayu anya fagayu sat talun. Ay namawat kban ku bale, ay sanya tua ban gugat.


Nu katanya, ngay taw Israel akbangi sa angku, laman ban gleleg tuam.


Use at ngay kasugfunanan, akbangi sa angku, laman ban gleleg tuam. Ay wayam kakbang, namamin kban ayu kata sik afuy nu girug. Nu katanya, umkamin ban furuan Betel at ngay taw ay we mafaragang ya.


“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.


Dewa katanya, am, mauseganan tuam, aroro glag tuam ay gdungug.


Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”


Ku ngay tupa gdungugan tua angku, ay toglag au anya fagayu ay kanya fagayu galo angku.


Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.


Nu ndasug taguyan ay at mafanud fia fag menit ginanya fag fagmafulun, Isus namalindug ay maksvn nu glong te, “Nusnga sinu takadanum akbangi sa angku ay inumi.


Dius at ngay sisian gdungugan tua at longan. Am, bunwa am Dius at ngay sisian, nu katanya wam kaylat gdungugan.”


At matuyan, Dius nafadog wan nafaleleg Isus, ay Isus at bilug di ban dumalan sas fakadanun. Ay katatuy at longan te, ‘Namon kban sa ayu at masine ay at matuyan kata ku fatuyanan sas Dabid.’


Katatuy Muisis at rirukan sabaliwa sik taw nu katap kata nu yud e asalanan siginan nu gfaning Muisis at Faugali: “Nusnga sinu fag taw tagfaning Muisis at Faugali, kanya ban gleleg tua.”


Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ