Isayas 55:2 - Fanawbuid tagsibaliwas Fakayabian

² Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Isayas 55:2 ပူးပေါင်းရင်းမြစ်များ

Alubad. 22:26

Ngay taw nangus at yud e kwa gfangon tua ay kapsug. Ay fagayu nangus takakbang sa emu tanan tua nanseg emu. Ay kanya nangus fagayu kabavn gfauseganan tua emu.

Alubad. 34:11

Ku ngay sisian, akbangi sa angku ay dungugani, gfoyung au ayu nu setain nu gsuyu am Yawi.

Alubad. 36:8

Ay kanya fagayu gfangon kasakan sim bale, ay am famainum anya fagayu siginan sik liskung at mauseganan.

Alubad. 63:5

Guseganan au kata sik taw at napsug at mataba fag ngay fakonun. Ay gfauseganan au emu, siginan sik ngay alubad at mauseganan.

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Fangatulun 1:33

Dewa katanya, takaylat gdungugan angku, gbanwan tua manabayan, ay kalangfe tua siginans fagidapun, ay di e fakalimuun ya.”

Fangatulun 7:23

ay sanya wan kanya nu gafanan, ay antalfus sat baga. Ay kata yangay sik manuk tungud masakit nu nangadasug sa sik litag sat fagnangabulan, dewa katanya, kanya wa nasaful.

Fangatulun 8:32

Nu katanya, ku ngay sisian, dungugani fia angku, mauseganan tua nusnga sinu tagfaning ku ngay foyungan.

Fangatulun 9:5

Gewan, nangon am ay nanginum ku ngay nafalganan.

Takamoyung 6:2

Dius nafon sa tibak taw at ngay fakaylatun at fakatogdungugun, ngay fagagbilugun ay ngay ramraman. Dewa katanya, Dius wa naylat kafag ngay taw nu gagbilug takatanya fagayu, abat ngate, tiba way ktaw at nagbilug takatanya fagayu. Takatanya wa masine ay we masuad.

Isayas 1:19

Nu gfaning tua ban am angku, gfon kban ayu ngayuk gutluan siginan ay daga, laman ay fakonun.

Isayas 10:27

Ginanya ban fag buknga, gfalfas kban ayu siginan sangay taw Asirya at fagmabalyananun, kata nu e nabul ay famubaun at mabyat, ay at mabyat fag fantungud liug tagsi ay ngay tungud liug. Kafag ngay fantungud liug ban umlifung, aroro kataglu ban am.”

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 46:6

Tibak taw gfasure gintu ay sanbung salapi, ay namawat sa sangay taw takawat fagsegan, ay kanya fagayu nantudan ay nanseg at nafawat fag fagsegan.

Isayas 51:1

Yawi nalong te, “Dungugani angku, fagayu am takakbang sa angku laman umlangfe am. Amatangi ay mangaguyang Abrayam ay Sara. Dadwa kata sik fungsu, ay am at naggatvngan. Amatangi ay mangaguyang Abrayam, ay anggan Sara at nafasalug ayu. Ebi gina au nafili Abrayam, kanya sesadi yay, ay dewa katanya nafayu au at ngay kasugfunanan.

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Isayas 62:9

Am tua ban taggutlu ay takon ay ngay trigu at rawvg, ay gfauseganan ban am angku. Ay am tua ban tagrabas ay ngay wat ubas at rawvg, ay taginum at mamam sa ku bale.”

Isayas 65:23

Kanya ban fagayu wa gfakamulun at yud e tungkul, ay at ngay sisian ban di gdalan sat maksvn fag fagidapun. Aroro Yawi nafaramraman anya fagayu, anggan at ngay kasugfunanan.

Eremyas 12:13

Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Eremyas 17:24

Dewa katanya, nu gfaning tua ban am ku longan ay nu ddi ban am namakamulun ay namuba ay ngay famaloun sas Erusalem at ngay sakbawan sis Famiangalay fag Menit, ay nu gtuyan tua ban am fia te, kanya at mafasamanan fag menit,

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 31:14

Namon kban ngayuk fanggalangun sa sangay tagfon fanggalangun. Ay gfapsug kban ku ngay taw siginan ku ngay famonun. Au, Yawi, taglong tuy.”

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Abakuk 2:13

Dewa katanya, ay nataban fag ngay taw at nawat fag ngay bale, kairug way ban, nu katanya, wa ban e masuad ay ngay nainlufuyan. Yawi at Mabalyanan at nafalganan takatanya.

Mateu 15:9

Nu katanya way we tungkul, dewa gseg angku, aroro at ngay foyungan siginan way ngay taw at longan.’ ”

Mateu 22:4

Ay kafag fun nasugu yangay tibak fagsuguan te, ‘Longi sa ebi ku nagewan fag ngay taw te, Katsi wan. Nafalganan kwan ebi ku longan fag yafun. Nafilas kwan ku ngay baka ay ku ngay fagbaugun at mataglu. Wainyayam wan. Nafalganan kwan ngay fakonun laman sas fangadadwa.’

Mateu 5:6

Mauseganan ngay taw nu kaylat tua gfakamulun Dius at fakaylatun, aroro Dius ggubuk tua ban anya.

Markus 7:14

Ay Isus nadog yay nafaful sa anya ngay taw ay nalong te, “Fagayu am dungugani ay asafuli ku longan.

Lukas 15:23

Fastiei tam nafataglu fag baka riangan, ay filasi laman tam fakonun gina tam guseganan.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Ruma 10:17

Nu katanya, tam fagafanudun kasure siginan tam nadungug, ay nadungug tam takatanya aroro siginan nu e gfoyung sa antam sabaliwas Dius at nafili fag Fun.

Ruma 9:31

Ay dewa katanya, taw Israel at naugatan nangatap kata nu yud e asalanan siginan nu gfaning at faugali, anfangulan way at nafakamulun.

Deuterunumyu 11:13

Nu katanya, nu gfaning tua ban am gugat ku ngay nafon ayu fag ngay suguan katsi te, esugi ay Dius Yawi ay fauseganani anya sas fagdaul ay amatanganan ay sas fagdaul ay fakaylatun,

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.