Isayas 54:4 - Fanawbuid tagsibaliwas Fakayabian

⁴ Lag o kalimu aroro wo gafaplan. Ay wo gamatang ya am fakaplaun gina o sik fagbubayun at mabaguina.

Isayas 54:4 ပူးပေါင်းရင်းမြစ်များ

Ub 11:16

Wa ban o gamatang ya am nadalan fag fagidapun, ay kalyam way lang ban kata tagfamilugan fag mamam.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 29:22

Nu katanya, Yawi, at nafalangfe Abrayam, glong sas Akub at kasugfunanan te, “Siginan ban katsi, kanya fagayu di e fakaplaun ya ay di e fagafanawaun.

Isayas 4:1

Ginanya ban fag buknga, wa ngayu ya at mangama. Nu katanya, fituk mangena gagoan sik mangama ay kanya ban fagayu glong te, “Adadwai sa emi fagfitu! Ay ami mandi ban tagbayad em fakonun ay em lanbung, laman ban wami gafaplan te, wami e indugan.”

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 50:7

Dewa katanya, kdi napla, aroro Yawi tam Fun nagubuk angku. Nu katanya, nafaksvn au ku amatanganan kata sik gang, aroro nasaful au te, kdi ban umkapla.

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 61:7

Abat ngate ban am gafalingunan, ay gutluan ban duak kayu ay fagsegun, nu katanya, maksvn ban nu guseganan am. Ay kabavn ban manabayan tua nu gbanwan am.

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 31:19

Natalyuyan ami emu, ay katsi, nafoyung ami fagayu em asalanan. Ay nu nasaful ami te, e nasalan ami, natalaptap ami em ngay dubdub kaduge ami gfoyung em asalanan. Kapla ami sa em nafakamulun ebi gina ami masisian.”

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Esekyel 16:22

Sas fagayu am nafakamulun at mauri ay nu gfagbilug o am sadili, wo namatangan ya nu setain nu galaga au emu, gina o mabaguina, ay gina o malulasan ay gina o glelegan ayu sirut sim sadili taguk.

Esekyel 16:43

“ ‘Wo gamatang ya ebi ku nalaga emu gina o masisian. Abat ngate, nafadotama o angku siginan nu gfakamulun o at mauri, nu katanya, namaurianan au emu kata am ngay nafakamulun. Au, Fun Dius Yawi taglong tuy. O nunda wo nafakamulun ngay fakamulun at maksvn nu masuya, ay nafamut yay o am fagmauriun?

Esekyel 36:15

“ ‘Kwa ban kaylat ya tibak furuan nu gfalingun ay gfapla ayu ay nu grasras ay talun. Au, Fun Dius Yawi taglong tuy.’ ”

Uel 2:21

Ngay taw Uda, lag am kalimu! Abat ngate, useganani tua, aroro Yawi at nafakamulun maksvn nu madulo.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Sakaryas 10:6

Namabitsug au ngay taw Uda, ay namalangfe Israel at ngay kasugfunanan. Aroro anfanyu au anya fagayu ay namafoli au sat fagbanwanan. Au wan Yawi kanya fag ngay taw at Dius. Nu katanya, gbalus au at ngay darangin. Ay kanya fagayu kata yay gina au yud naiyan.

1 Pedru 2:6

Aroro kata Dius at Longan te, “Nafoli au sis Erusalem sik gang fagfatungkudan turuk, at mafilian ay at mafanud. Ay nusnga sinu tagafanud sa anya di ban umfangulan.”