Isayas 54:3 - Fanawbuid tagsibaliwas Fakayabian

³ Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 54:3 ပူးပေါင်းရင်းမြစ်များ

Fakasigadan 26:22

Ay Isak nalao ya gayvd ay nafaali yay fia sik bubun. Kanya long we nafabadbaboan ya anya, ay Isak nafangayan kanya fag bubun te, Rekubut. Aroro nalong te, “Katsi Yawi nafon tua antam tagbia fag talun laman kaugat yay nu kayu tam ste fag talun.”

Fakasigadan 28:14

Am ngay kasugfunanan ban kayu lukbu sis daga, ay gsaruayan ban sas fagayu afud daga. Ay siginan ban emu ay am ngay kasugfunanan ggubuk kban fagayu taw sas fagdaul daga.

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 26:15

Yawi, nafabia tuo em talun, ay nafadugdug tuo em ngay taba daga, ay aroro katanya gfauseganan tuami emu.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 48:19

Ay ay ngay kasugfunanan ro ngayu tua kayu lagnas, ay di ban gafaurianan.”

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 52:9

Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 55:5

Nanguro am ay fagyudun toglag fag ngay talun at ngay taw, ay kanya ban fagayu gabanganan nangakbang sa ayu, aroro au Yawi, Israel at Dius at yud e Malong, at nafae famauseganan ayu.”

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

Ruma 11:12

Taw Israel at nafamaboan maksvn at fanggubukun sas fagdaul daga at taw. Ay kafag ngay taw at nafangulanan nafadasug ngayuk fanggubukun sat yud Israel fag ngay taw. Kaugat waban nu kae fanggubukun, fagayu ban taw Israel nu nfoli tua sas Dius.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.