Isayas 54:2 - Fanawbuid tagsibaliwas Fakayabian

² Fabiai yap am bale ramit, ay famuti at ngay famalanib, ay faogati at ngay fansalod ay at ngay fagtabingan.

Isayas 54:2 ပူးပေါင်းရင်းမြစ်များ

Fakasigadan 26:22

Ay Isak nalao ya gayvd ay nafaali yay fia sik bubun. Kanya long we nafabadbaboan ya anya, ay Isak nafangayan kanya fag bubun te, Rekubut. Aroro nalong te, “Katsi Yawi nafon tua antam tagbia fag talun laman kaugat yay nu kayu tam ste fag talun.”

Nu Galin 35:18

Fagnansegan fag Bale Ramit ay alad at ngay lubyang ay fagtabingan lubyang fag turuk;

Nu Galin 39:40

alad ramit ay anggan at ngay turuk ay at fagfatungkudan ay ramit tagdingding sakbawan, ay at ngay lubyang ay fagtabingan lubyang fag turuk; ay fagayu fagagbilugun laman gfauseganan Yawi laman sat bale, at ngayan yangay te, Bale Fagnangablanganan;

Isayas 26:15

Yawi, nafabia tuo em talun, ay nafadugdug tuo em ngay taba daga, ay aroro katanya gfauseganan tuami emu.

Isayas 33:20

Damai Siun, tam fagnangafulan fag furuan kayu ginan tam e fagmafulun. Kanya fag furuan at sadi at ngayan Erusalem, sik manabayan fag furuan at masine nu kabanwan. Kanya kata sik mogat fag bale ramit, ay at ngay turuk di kagulad ay fagayu at ngay siuk di mgatvng.

Eremyas 10:20

Dius at bale ankiklas wan, ay e nataban wan tam ngay kaiban, ay wa ban e nangawat ya tam ngay bale.”

Mikas 7:11

Mikas nalong sa sangay tagbanwan sis Erusalem te, “Umdasug ban sik menit, gdog yayam nangawat ay furuan at alad, nu katanya, umbia yay ban ay talun.