Isayas 53:6 - Fanawbuid tagsibaliwas Fakayabian

⁶ Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 53:6 ပူးပေါင်းရင်းမြစ်များ

Fakasigadan 22:6

Abrayam nafafasanan at ngay ba sarab sas Isak laman fangirug at fanggalangun, ay sat mama at buba fiso ay afuy.

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Alubad. 69:4

Takadotama angku ayu yap tua ku ngay buk. Ay kanya fagayu gyafabulun angku, deyud au e malong. Ay gfabulun glong sa angku te, “Fafolii,” deyud au nafangkamul.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 53:7

Kanya naidapan ay nafalangan, ay dewa katanya wa naringang. Ay kata sik fagfilasun fag tupa at nabuba sas fagfilasan ay kata yangay sik tupa tagaufoun, dewa katanya di e nalong.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 55:8

Yawi nalong te, “Ku amatanganan gtungud tua ay amatanganan ay ku balyawvtan gtungud tua ay balyawvtan.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Isayas 6:7

Ay kanya nafatayuk kafag singsing afuy sa ku bibig ay nalong te, “Katsi nafatayuk kwan tuy fag singsing afuy sam bibig, nu katanya, wo e asalanan ya; nafalyam kwan.”

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Eremyas 50:6

“Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Esekyel 3:18

Nu nalong au sa sik taw at mauri te, ‘Umbul ban o,’ ay nu dway o nanamararang anya te, ‘Ubuni wan am fagmauriun laman umlangfe o,’ kanya umbul, ay o wan at ke malong sa angku kanya fag taw at faginbulun.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Ruma 4:25

Dius naylat nu e gfabul Isus aroro sa tam ngay asalanan, ay nafadog nafaleleg anya laman gtap antam kata nu yud tam e asalanan.

Santiagu 5:20

amatangani te, nusnga sinu at nafafoli sik tagasalanan sat matuyan fag ugali, kanya nafalangfe kafag taw siginans fakabulun, ay nu katanya, nalyam ngayuk asalanan.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

Tagfangguna 21:25

Ginanya fag ngay buknga, we gfunan sis Israel. Nu katanya, galay at sadi gfakamulun nusnge wain at fakaylatun.