Isayas 53:3 - Fanawbuid tagsibaliwas Fakayabian

³ Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Isayas 53:3 ပူးပေါင်းရင်းမြစ်များ

Alubad. 69:29

Dius, gidapan au maksvn, nu katanya, dirii ay falangfei angku.

Alubad. 88:4

Kata au sik taw tagakabulun, at yud e mafalangfe ya.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 50:6

Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Isayas 52:14

Ngayu ban takadulo anya, aroro at kamatan gabalungan wan ay wa kata ya taw at kamatan.

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 53:4

At matuyan, kanya nagwanta at masait ay at mabalu tam fagnandalanun ma. Nu glong tam e asalanan Dius at fagnafauriananun anya.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Sakaryas 11:8

Naiyan au kanya fag tuluk tagalaga fagbaugun kaduge sik magdanun. Kafag ngay tupa kauri angku, ay kwa kagwanta ya anya.

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Mateu 27:63

ay nalong te, “Namatang ami kafag tagfandaya at longan gina gleleg te, ‘Nu nlangfe tuluk menit, gdog kyay gleleg.’

Markus 10:33

ay glong te, “Amatangani, katsi sa watams Erusalem, ay abandi e moyung angku, Taw at Baguama, sa sangay fun tagfon fanggalangun ay sa sangay tagfoyung Muisis at Faugali. Ay kafag ngay taw ban nanfantabugan angku laman namabul, ay namatigwanan sas yud Udyu fag ngay taw.

Markus 10:34

Ay at yud Udyu fag ngay taw ban gfalingun angku, ay gtufe angku ay gfalang ay gfabul. Ay nu nlangfe ban tuluk menit gdog kyay gleleg.”

Markus 14:34

Ay Isus nalong sat ufud fag tulu te, “Katsi maksvn nu kabalu au, kata kwan nu mabulan au. Ste yap am ay mataganani.”

Markus 15:19

Ay kanya fagayu nafalang sik anyamu sas Isus at alfuyu ay natufe anya ay natudan kata nu gseg anya.

Markus 9:12

Ay Isus nalong anya te, “Matuyan Elyas umdasug laman namalganan nusnge wain. Ay wain at faginrirukun sis Dius at Longan te, Taw at Baguama ngayu at fagnandalanun fagidapun, ay tiba bank taw gaiyan anya?

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

Lukas 19:41

Ay Isus nu kakbang wan sas Erusalem, ay nu nalag kafag furuan, kanya gwayway, aroro kabalu,

Lukas 8:53

Ay ngay taw kase, gfalingun Isus, aroro nasaful te, kafag baguina anbul wan.

Lukas 9:22

Isus nalong yangay te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Uan 11:35

Isus gwayway.

Uan 8:48

Ay sanya fag ngay taw Udyu glong sas Isus te, “O wa matuyan em longan te, sik taw o Samarya ay e gfafansaful emu?”

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Ebreu 4:15

Tam Tiba Tungud fag Tagfon Fanggalangun kanya nasaful tam ngay kamomuyan, aroro kanya nadalan wan fagayu famaskud kata antam, ay dewa katanya, kanya we asalanan.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.