Isayas 53:2 - Fanawbuid tagsibaliwas Fakayabian

² Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 53:2 ပူးပေါင်းရင်းမြစ်များ

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 52:14

Ngayu ban takadulo anya, aroro at kamatan gabalungan wan ay wa kata ya taw at kamatan.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Sakaryas 3:8

Ay katsi, Uswe fag tagfon fanggalangun dungugani: o ay am ibama fag ngay tagfon fanggalangun kata sik fagtoglagan takafasludan ban. Namasure au ku fagsuguan at nafangayan te, Sanga.

Sakaryas 6:12

Nanlong o sas Uswe te, au Yawi at Mabalyanan glong au te, ‘Kafag taw at ngayan te, Sanga, gtugbung ay namadog ban namawat Yawi at bale. Kanya ban umsik fun ay e gfauseganan ban anya. Ay e tagfon fanggalangun nanmalindug sit day faglunggungan ay kanya fag dua masadi.’

Markus 6:3

O nunda bunwa kanya takawat bale fag taw ay Maria at baguama? Ay o nunda at ngay faduksay bunwa Santiagu, Use, Udas ay Simun? Ay o nunda at faduksay fag ngay mangena wa ste si tam furuan nu gbanwan?” Ay kanya fag ngay taw kauri Isus.

Markus 9:12

Ay Isus nalong anya te, “Matuyan Elyas umdasug laman namalganan nusnge wain. Ay wain at faginrirukun sis Dius at Longan te, Taw at Baguama ngayu at fagnandalanun fagidapun, ay tiba bank taw gaiyan anya?

Lukas 2:7

Ay kanya nafasalug taguna at sisian, sik munama, ay nasagmak ay nafatukan sas fagbaugan, aroro we bale ya at fagtaglayunan.

Lukas 9:58

Ay Isus nabalus anya te, “Amatangani, sik idu talun e fagnansarirungan tua. Ay manuk tungud e fugad tua. Ay au, Taw at Baguama, kwe fagtiugan.”

Uan 18:40

Ay kanya fag ngay taw gbarisanan guro te, “Lagi, lag gfalfas anya. Barabas yakman am fagfalfasun.” Barabas sik takamasing.

Uan 19:5

Ay Isus naduksun gasangboan madugi ay galanbungan masialungan. Ay Pilatu nalong sanya fag ngay taw te, “Damai tuy fag taw.”

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

1 Pedru 2:14

ay anggan tam ngay funan ayu sirut. Dius nasugu kanya fagayu laman gfaurianan nusnga sinu tagfakamulun at mauri, ay gfauseganan nusnga sinu tagfakamulun at matuyan.