Isayas 53:12 - Fanawbuid tagsibaliwas Fakayabian

¹² Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 53:12 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Ub 30:16

Ay katsi kata wa nu gakabulun au, ay ku fagidapun wa karagang ya.

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 22:14

Ku fagmabitsugun namin wan, kata sik mamam at kinkugwag. Ay ku ngay bini kata wa nu nsaruy siginans ngay lufuan. Ay nu gamatang au katinas kwan kata sik lune.

Nu Galin 15:9

Em ngay fawayan nafamatungudun glong te, ‘Namafalo au anya fagayu ay nanggamat. Ay nangafud au at ngay ramraman ay namafanudan kwa fia ku sadili. Ay gbul au ku fiso ay namamin au anya fagayu.’

Isayas 49:4

Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Isayas 52:13

Yawi nalong te, “Ku fagsuguan ban gbabo. Kanya ban umsik takadungug ay mauseganan.

Isayas 52:15

Anggan ban tibak talun at ngay taw umdulo anya. Ay at ngay fun ban wa maringang ya, aroro kanya ban fagayu lumag nusnge wain at masuksukan, ay sumaful ban nusnge wain at yud batang nadungug.”

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 53:8

E nagamat anya ay nafaurianan ay nafabul. Ay nusdi sadi wa nafamafanud, kanya anbul yud e kasugfunanan, ay nagwantan nadalan tam fagnandalanun ma fag faurianan.

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Mateu 26:42

Ay Isus gdog yay nalo sat dayu ay gdarangin yay te, “Mama nu dway masine gbul tuy fag faurianan siginan angku yakmay au nadalan, umfasludan nangus am fakaylatun.”

Markus 15:27

Ay natuktuk yangay duak tagfangkamul sas duak fasulungan kayu gsumbalian Isus.

Markus 15:28

[Siginan at kinfasludan takatanya, anfasludan at marirukan sis Dius at Longan te, Natap anya kata sik tagasalanan.]

Lukas 22:37

Aroro gfoyung au ayu te, at masine nu namafasludan kban tuy fag Rirukan te, ‘Natap anya kata sik tagasalanan.’ Ay katsi kafasludan wan kafag Rirukan.”

Lukas 23:25

Kanya nafalfas Barabas kata ngay taw at fagetun, kanya ebi ankubung aroro nafawayan at fun ay nafabul taw. Ay Pilatu nafatigwanan Isus sa sangay tagfawayan laman gfaning ngay taw at fakaylatun.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Ruma 8:34

Nu katanya, sinu ya at mafaurianan antam? Tam Fun Isus bundi lang anbul ay nadog naleleg, nu bunway kanya malunggung yangay sis Dius at siun, ay gwabilug antam gdarangin sas Dius.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Filipus 2:17

Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Kulusas 2:15

Ay siginan takatanya, Dius nababo wan ngay tagfunan ay at ke ngay fagmabalyananun sas fanfalad. Kanya nafalag sas fagayu taw te, at fawayan nababawan wan.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

Ebreu 9:26

Nu katanya way ro, tam Fun Isus ro gdog way gugat gidapan siginan ngay fagdaul daga nu bagu nkawat. Ay at matuyan, kanya sadi ginan way kasure, katsi gina fakatabuan fag ngay buknga, laman gfamin wan asalanan siginan nu gfon at sadili.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Uan 2:1

Ku ngay sisian, griruk au takatanya laman diam gasalanan. Ay sik taw nu nasalanan way, e gwabilug antam ay tam Mama. Tam Fun Isus wan tam tagwabilug; kanya matuyan.

1 Uan 2:12

Griruk au sa ayu, ku ngay sisian, aroro siginans Isus, nafalyam tua ay ngay asalanan.