Isayas 53:11 - Fanawbuid tagsibaliwas Fakayabian

¹¹ Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 53:11 ပူးပေါင်းရင်းမြစ်များ

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 49:3

Kanya nalong sa angku te, “Israel, o wan ku fagsuguan. Ay aroro sa emu, ngay taw ban namauseganan angku.”

Isayas 52:13

Yawi nalong te, “Ku fagsuguan ban gbabo. Kanya ban umsik takadungug ay mauseganan.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 53:8

E nagamat anya ay nafaurianan ay nafabul. Ay nusdi sadi wa nafamafanud, kanya anbul yud e kasugfunanan, ay nagwantan nadalan tam fagnandalanun ma fag faurianan.

Daniel 12:3

Ay ngay taw tagsaful at matuyan ay tagfoyung sa sangay taw laman nangugali at masine gdamlag kata galeme sis banwa kabavn ban.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 20:28

Ay au Taw at Baguama, katanya kyangay, ku fagindasugun bundi taw at fagnanggubukun, nu bunway nanggubuk au ngay taw, ay namon au ku leleg laman namul au ngayuk taw siginans fakabulun.”

Lukas 22:44

Ay Isus gfaksvn nu gdarangin aroro maksvn nu kabalu, ay at fangenit nu ganting sas daga, kata sik taguk.

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Uan 16:21

Sik mangena nu gfasalug, maksvn nu gidapan, ay dewa katanya, nu nafasalug wan, wa gidapan ya, aroro guseganan te, at ngenge ansalug wan ste swa daga.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Ruma 4:24

nu bunway anggan tua itam. Antap yangay tam kata nu yud tam e asalanan, nu gafanud tua tam sas Dius, at nafadog nafaleleg Isus tam Fun siginan at fagmabulanan.

Ruma 5:9

Nu katanya, dakngani antap watam kata nu yud tam e asalanan siginans Isus at taguk at kinbusbus, matuyan umlangfe ban tam siginans Dius at fandotaman.

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Galasya 4:19

Ku ngay sisian, gdog au gidapan kata sik mangena tagafasalugun yakmay kban nalag te, siwa ayu tam Fun Isus at ugali.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

1 Uan 2:1

Ku ngay sisian, griruk au takatanya laman diam gasalanan. Ay sik taw nu nasalanan way, e gwabilug antam ay tam Mama. Tam Fun Isus wan tam tagwabilug; kanya matuyan.

2 Uan 1:1

Au sik fagtainan sa sangay tagafanud, griruk au sa emu, Dius at nafili fag mangena ay anggan sam ngay sisian. Matuyan kesug au ayu, ay anggan fagayu at nasaful at matuyan kesug yangay ayu.

2 Uan 1:3

Dius tam Mama, ay at baguama Isus tam Fun at fagmagalangun, ay at fakafanyun, ay at fagmanabayanun, ay anggan at fagmatuyanun ay at fakesugun, sumawa nangus fia antam.