Isayas 53:10 - Fanawbuid tagsibaliwas Fakayabian

¹⁰ Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 53:10 ပူးပေါင်းရင်းမြစ်များ

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 147:11

Dewa katanya, kanya guseganan tua ngay taw tagsuyu anya, ay tagafanud te, mafangesug tua.

Alubad. 149:4

Aroro Yawi guseganan tua at nafili fag ngay taw, ay kanya gfababo takamababaun.

Alubad. 21:4

Ay kanya naet sa emu te, famuti at leleg, ay nafon o anya tangaduge fag leleg.

Alubad. 22:30

Ay at fadogan ban fag ngay kasugfunanan namakamulun yangay ban kata tam Fun Dius at fakaylatun. Ay kanya ban fagayu gfoyung sat ngay sisian sabaliwa anya.

Alubad. 22:31

Ay anggan ban at yud yay ansalug dumungug yangay, ay e namoyung yangay ban anya fagayu at nafakamulun at matuyan.

Alubad. 69:26

Aroro kanya fagayu gfaidapan ay gibugan gugat sabaliwa am nafaurianan fag ngay taw.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 72:7

Kaduge ban nangus kanya gfunan, at matuyan fag ngay taw umke fagmanabayanun. Ay umke ramraman ban nangus kaduge e magdanun.

Alubad. 89:29

Gfasiginan ktua ban gugat at kasugfunanan talun Israel at ngay fun; gfaksvn ktua ban gugat at fagfagtainanan, kata banwa nu yud gbadbalian.

Alubad. 89:36

Kabavn ban siginan tua gugat at kasugfunanan at nanfunan sas Israel, ay nu gfunan ban di gbadbalian kata menit.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.

Isayas 49:4

Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 61:9

Ay at ngay kasugfunanan ban umsik takadungug sas fagayu talun. Ay fagayu ban at lumag glong te, au, Yawi, at nafakamulun at masine sa ku ngay taw.”

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 32:41

Kaylat au namakamulun sa anya fagayu at masine ay sas fagdaul ku amatanganan namabanwan au anya fagayu stie fag talun.”

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Lukas 1:33

Ay kanya ban gfagtainan Akub at ngay kasugfunanan, ay wa ban e fakatabuan nu gfagtainan.”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Uan 13:32

Ay nu e namauseganan Dius siginan angku, Dius ban namauseganan yangay angku Taw at Baguama, ay namafasludan wan takatanya.

Ruma 6:9

Aroro nasaful watam te, tam Fun Isus ban wa kabul ya kabavn aroro kanya nadog wa naleleg siginans fagmabulanan. Fakabulun we fagmabalyananun ya sa anya.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Ruma 8:8

Ay nusnga sinu tagfaning at bilug at fakaylatun wa mafauseganan Dius.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

Efesu 1:5

kanya nafalganan antam laman kangayan tam te, at ngay sisian, siginans Isus tam Fun. Katanya at algan ay at fakaylatun.

Efesu 1:9

laman tumogdungug tam fia Dius at algan at masuksukan, gfaning at fakaylatun, at fagnamafasludanun siginan tam Fun Isus,

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

Ebreu 2:13

Ay kanya nalong yangay te, “Gafanud au sas Dius.” Ay nalong yay fia te, “Ste au magamut sis Dius at ngay sisian, at nafon angku.”

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.