Isayas 52:9 - Fanawbuid tagsibaliwas Fakayabian

⁹ Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Isayas 52:9 ပူးပေါင်းရင်းမြစ်များ

Alubad. 102:22

Ay anggan ban ngay taw tagsiginan tibak talun ay fagayu fagfagtainanan gseg yangay Yawi.

Alubad. 98:4

Fagayu taw sas fagdaul daga, useganani uroi sas Yawi ay alubadi sa anya.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 14:7

Sanya ginan ban, fagdaul daga ummanabayan. Ay fagayu ban taw galubad guseganan.

Isayas 40:1

Dius nalong te, “Fasuni ku ngay taw.

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 44:23

Banwa, alubadi useganani! Fagdaul daga, uroi! Am fag ngay buksul ay fag ngay araw, alubadi! Aroro Yawi ban namalangfe Akub at ngay kasugfunanan, ay namasure at fagmabalyananun sa sangay taw Israel.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 55:12

Am fag ngay taw Israel, duksuni useganani siginans talun Babilunya, aroro Dius wan tagufud ayu. Ngay buksul ay ngay fungsu kata sik ngay taw tagalubad guseganan. Ay fagayu fun kayu kata wa sik ngay taw tagfantalaptapan.

Isayas 61:4

Ay kanya gdog yay nangawat at ngay furuan taglugo wan nu marasrasan.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Galasya 4:27

Kata at marirukan sis Dius at Longan te, “Uroi useganani, o fag mangena at yud batang gdalan fagidapun sabaliwa nu gfasalug. Aroro am mangama dewa naubun emu, am sisian ban ayu yap tua tibak mangena at magamut tua gugat at mangama.”