Isayas 52:8 - Fanawbuid tagsibaliwas Fakayabian

⁸ Ngay tagulit emu guro guseganan, aroro lumag ban Yawi nu kafoli sas Erusalem.

Isayas 52:8 ပူးပေါင်းရင်းမြစ်များ

Alubad. 102:22

Ay anggan ban ngay taw tagsiginan tibak talun ay fagayu fagfagtainanan gseg yangay Yawi.

Sulumun at Alubad 3:3

Ngay tagulit furuan daul nalag angku kaduge au glao gfafagdaul furuan. Ay nainto au sa anya fagayu te, “O e nalag am ku fakesugun fag mangama?”

Sulumun at Alubad 5:7

Nu katanya, nalao au sas fagdaul furuan, ay ngay tagalaga furuan nalag ay nafalang angku. Ay anke ngay nabalungan au. Ay kanya fagayu naago wan siginan angku ku lanbung.

Isayas 24:14

At kinsawad ban fag ngay taw gfanguroan guseganan. Ay tagbanwan sas fakayabian baliwa namoyung ban Yawi at fagmabalyananun.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 27:2

Ginanya yangay ban fag menit, nangalubad am sik alubad sabaliwas tanuman wat ubas gina ngayu at narabas.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 56:10

Ngay taw Israel nangus at ngay tagfangguna gulit tua. Ay aroro mangaro, kanya fagayu kata way at yud glag ay at yud e fagsafulun, ay kata yangay tagulit fag ngay idu at yud gsubang ya. Kanya fagayu gtaygilidan way gugat gtiug ay gtaginfan.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Eremyas 32:39

Ay namasadi kban at ngay amatanganan ay at ngay algan laman ban kanya fagayu gseg tua gugat angku, ay laman ban kanya fagayu ay anggan at ngay kasugfunanan e fagmanabayanun tua.

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Esekyel 33:7

“Taw at baguama, nafili au emu laman tagulit ngay taw Israel. Nu katanya, dungugani ku fagyalongunun emu, ay namasaful o sa kafag ngay taw.

Sefanias 3:9

Sanya ginan, namasine au ngay taw at amatanganan laman gfaning tua ay nangasadi sa angku.

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Fakamulun 2:1

Nu ndasug Pentekustes fag fagmafulun, fagayu tagafanud anful sa sik bale.

Fakamulun 4:32

Ay fagayu tagafanud masadi at ngay amatanganan ay wa nesug at ngay ramraman nu bunway sa tuas fagayu.

1 Kurintu 1:10

Ku ngay faduksay, maksvn nu glong au sa ayu sa tam Fun Isus at ngayan te, diuganani tua, ay dangay am ginkafudan, nu bunway masadii tua ay amatanganan ay ay algan.

1 Kurintu 13:12

Aroro katsi nu glag tam, malikbug yay, kata yay nu nadama tam sa sik salaming, ay nu ndasug ban sik menit fagayu nusnga setaw mayamag tua sa antam. Ay katsi tam fagsafulun ya kasakan, dewa katanya nu ndasug ban sik menit, Dius gfasaful ban sa antam fagayu nusnga setaw.

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 19:4

Ay kafag duak safulu e ufatk fagtainan ay kafag ufatk tagleleg fag awatan malub ay gseg Dius gina gmalunggung sit faglunggungan, ay nalong te, “Anud. Segi tam Dius.”