Isayas 52:7 - Fanawbuid tagsibaliwas Fakayabian

⁷ Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 52:7 ပူးပေါင်းရင်းမြစ်များ

Alubad. 59:13

fasurei sa anya am dotama, ay famini wan anggan nalyam. Ay fagayu taw sas fagdaul daga sumaful te, o wan tagfagtainan ngay taw Israel.

Alubad. 68:11

Fun Dius nafadasug at suguan, ay ngayu at nafadungug kafag barita:

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Alubad. 96:10

Foyungi sa sangay talun at ngay taw te, “Yawi tua tagfagtainan!” Kanya tua at nawat fagdaul daga ay at nafaogat, nu katanya di guigan. Ay nu gfagtainan, di e fagfili.

Alubad. 97:1

Yawi gfunan, nu katanya, fagdaul daga ay fagayu furu tagsis swabilug dagat, useganani anya.

Alubad. 98:2

Yawi nafalag sas fagayu talun te, e fagmakatuun gfalangfe, ay e fagmatuyanun yangay.

Alubad. 98:3

Kanya di kalyam nu kesug ay nu matuyan sa antam fag ngay taw Israel. Ay ngay taw sas fagdaul daga nalag tam Dius nu gfalangfe antam.

Alubad. 99:1

Tam Fun Yawi malunggung sit bale, sis buknga duak awatan at ke fakfak. Nu katanya, ngay taw maksvn nu kalimu, ay fagdaul daga guigan.

Sulumun at Alubad 2:8

Kanya wan! Gdungug kwan ku fakesugun fag mangama gakadasugun wan. Kanya kadasug gtudtulbuan sa sangay buksul.

Isayas 24:23

Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 41:27

Au Yawi, at nalong takatanya sas Siun, Erusalem fag furuan. Nasugu au sik tagfosuk longan laman namoyung ayu at masine fag barita te, ‘Andasug wan taggubuk ayu.’

Isayas 42:11

Segi anya, fagayu am fag ngay furuan sat magong fag talun ay anggan am fag ngay taw Kedar. Ngay taw Sela, alubadi useganani. Uroi useganani tagsis sangay tungud buksul.

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.

Naum 2:1

Taw Ninibe, andasug wan ay ngay fawayan laman namawayan ay namasaruayan ayu. Nu katanya, alagai tua ay furuan at alad ay banawani tua sa ay ngay dalan. Fafuli ay ngay tagfawayan ay fafalganani laman namawayan.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Markus 13:10

Ay nu gakafasludanun wan takatanya, famoyungi yap at Masine fag Barita sas fagayu talun.

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 2:10

Ay kanya fag tagbarita nalong te, “Lag kalimu, aroro gfoyung au sa ayu at masine fag barita, sik fagusegananun umdasug ban sas fagayu taw.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Efesu 6:15

Ay suluni ay lapak laman mafalganan am nanfamoyung at Masine fag Barita sabaliwas fagmanabayanun sas Dius.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 14:6

Ay sanya ginan nalag au sadi yak tagbarita nu glayug sis kiwang gbuba at Masine fag Barita at yud e fakatabuan, ay kanya gfoyung sas fagayu taw tagbanwan sas fagdaul daga, sas fagayu talun, ay sas fagayu kasugfunanan, ay sas fagayu fangaringang, ay sas fagayu gaban taw.